കായിക യുവജനകാര്യാലയത്തിന്റെയും, കേരള സ്റ്റേറ്റ് സ്പോര്ട്സ് കൗണ്സിലിന്റെയും കീഴില് വിവിധ ജില്ലകളില് പ്രവര്ത്തിക്കുന്ന സ്പോര്ട്സ് അക്കാഡമികളിലേയ്ക്ക് സെലക്ഷന് ട്രയല്സ് നടത്തുന്നു.
അത്ലറ്റിക്സ്, ഫൂട്ബോള്, വോളിബോള്, ബാസ്കറ്റ്ബോള്, ബോക്സിംങ്ങ്, ക്രിക്കറ്റ് (വുമണ്), ഫെന്സിംങ്ങ്, ഹോക്കി, ജൂഡോ, തായ്ക്വോണ്ടോ, റെസലിംങ്ങ്, കനോയിംങ്ങ്, കയാക്കിംങ്ങ്, റോവിംങ്ങ് എന്നീ ഇനങ്ങളില് കായികതാരങ്ങളുടെ ആലപ്പുഴ ജില്ലാ സെലക്ഷന് ട്രയല്സ് പ്രീതികുളങ്ങര കലവൂര് എന് ഗോപിനാഥ് മെമ്മോറിയല് മിനി സ്റ്റേഡിയത്തില് നാളെ നടക്കും.
2026-27 അധ്യയന വര്ഷത്തില് 7,8, പ്ലസ് വണ്, ഒന്നാം വര്ഷ ഡിഗ്രി ക്ലാസ്സുകളിലേയ്ക്കാണ് കായിക താരങ്ങളെ തെരഞ്ഞെടുക്കുന്നത്. നിലവില് 6, 7, 10, പ്ലസ് ടു ക്ലാസ്സുകളില് പഠിക്കുന്ന കുട്ടികള്ക്ക് സെലക്ഷന് ട്രയല്സില് പങ്കെടുക്കാൻ അവസരം ഉണ്ട്. താല്പര്യമുള്ളവര് നാളെ രാവിലെ എട്ട് മണിക്ക് സ്പോര്ട്സ് കിറ്റ്, ജനന സര്ട്ടിഫിക്കറ്റ് , ഏത് ക്ലാസ്സില് പഠിക്കുന്നു എന്ന് ഹെഡ്മാസ്റ്റര്/പ്രിൻസിപ്പൽ സാക്ഷ്യപ്പെടുത്തിയ സര്ട്ടിഫിക്കറ്റ്, യോഗ്യത സര്ട്ടിഫിക്കറ്റ്, സ്പോര്ട്സ് പ്രാവീണ്യം തെളിയിക്കുന്നതിനുള്ള സര്ട്ടിഫിക്കറ്റ്, രണ്ട് പാസ്പോര്ട്ട് സൈസ് ഫോട്ടോ, ആധാര് കാര്ഡ് (ഒറിജിനല്, ഫോട്ടോകോപ്പി) എന്നിവയുമായി സ്റ്റേഡിയത്തില് ഹാജരാകേണ്ടതാണ്.
നിബന്ധനകള്
- പ്ലസ് വണ്, ഒന്നാം വര്ഷ ഡിഗ്രി ക്ലാസ്സുകളിലേയ്ക്കുള്ള സെലക്ഷനില് പങ്കെടുക്കുന്നവര് ജില്ലാ, സംസ്ഥാന മത്സരങ്ങളില് പങ്കെടുത്തിരിക്കണം
- ദേശീയ മത്സരങ്ങളില് 1,2,3 സ്ഥാനങ്ങള് നേടിയവര്ക്ക് നേരിട്ട് പ്രവേശനം ലഭിക്കുന്നതാണ്
- പ്ളസ് വണ്/ കോളേജ് വോളിബോള് ട്രയല്സില് പങ്കെടുക്കുന്ന ആണ്കുട്ടികള്ക്ക് 183 സെന്റീമീറ്ററും പെണ്കുട്ടികള്ക്ക് 170 സെന്റീമീറ്ററും, ബാസ്ക്കറ്റ്ബോള് ട്രയല്സില് പങ്കെടുക്കുന്ന ആണ്കുട്ടികള്ക്ക് 180 സെന്റീമീറ്ററും പെണ്കുട്ടികള്ക്ക് 167 സെന്റി മീറ്ററും ഉയരം ഉണ്ടായിരിക്കണം.
വിശദ വിവരങ്ങള്ക്ക് ആലപ്പുഴ ജില്ലാ സ്പോര്ട്സ് കൗണ്സില് ഓഫീസുമായി (0477 2253090, 9400901432, 8281007241, 9495123712 ) ബന്ധപ്പെടാവുന്നതാണ്.
