അയനിക്കാട്: അയനിക്കാട് പ്രദേശത്തെ സാമൂഹിക-സാംസ്കാരിക പ്രവർത്തകനായിരുന്ന ശ്രീ കെ.പി. കരുണാകരൻ നായരുടെ ഏഴാം സ്മരണ ദിനത്തിൽ സുരക്ഷ പെയിൻ ആൻഡ് പാലിയേറ്റീവ് കെയറിന് സാമ്പത്തിക സഹായം കൈമാറി. അദ്ദേഹത്തിന്റെ ഭാര്യ കെ.പി. ചന്ദ്രി, മകൻ ഹരീഷ് എന്നിവരിൽ നിന്ന് സുരക്ഷ പെയിൻ ആൻഡ് പാലിയേറ്റീവ് ഭാരവാഹികൾ ധനസഹായ തുക ഏറ്റുവാങ്ങി.

പേരാമ്പ്ര: പുതിയ തലമുറയുടെ സാമൂഹിക ഇടപെടലുകൾ വേഗവും വൈവിധ്യവും നിറഞ്ഞതാണെന്നും, മഹല്ല് സംവിധാനങ്ങൾ സാമൂഹിക പുനഃസംവിധാന കേന്ദ്രങ്ങളായി മാറണമെന്നും സുന്നി മഹല്ല് ഫെഡറേഷൻ (എസ്.എം.എഫ്) സ്റ്റേറ്റ് സെക്രട്ടറിയും എസ്.എസ്.സി സ്റ്റേറ്റ് കൺവീനറുമായ സി.ടി. അബ്ദുൽ ഖാദർ ഹാജി തൃക്കരിപ്പൂർ അഭിപ്രായപ്പെട്ടു. ഡാറ്റയും ഇൻഫർമേഷനും മുന്നിട്ടുനിൽക്കുന്ന ഇക്കാലത്ത് മഹല്ലുകളും ഡിജിറ്റൽ തലത്തിലേക്ക് മാറണമെന്നും അദ്ദേഹം കൂട്ടിച്ചേർത്തു. എസ്.എം.എഫ് ഗോൾഡൻ ജൂബിലിയുടെ ഭാഗമായി മഹല്ലുകളുടെ സ്മാർട്ട്, ഇ-വൽക്കരണങ്ങൾ ലക്ഷ്യമിട്ട് സംഘടിപ്പിച്ച പേരാമ്പ്ര മേഖല എസ്.എസ്.സി യോഗം ഉദ്ഘാടനം ചെയ്ത് സംസാരിക്കുകയായിരുന്നു […]

തിരുവനന്തപുരത്ത് കെഎസ്ആർടിസി പ്രിയദർശിനി ബസുകളുടെ ചില്ലുകൾ തകർത്തു. ഇന്നലെ രാത്രി ബൈക്കിലെത്തിയ സംഘമാണ് ആക്രമണം നടത്തിയത്. ബൈക്കിലെത്തിയ രണ്ടുപേരാണ് വെഞ്ഞാറമൂട്,കിളിമാനൂർ ഡിപ്പോകളിലുള്ള ബസുകൾക്ക് നേരെ കല്ലെറിഞ്ഞത്. പാങ്ങോട് പൊലീസ് സ്റ്റേഷൻ പരിധിയിലെ പരപ്പിൽ ജങ്ഷനിലെ സ്റ്റേ ബസുകളായിരുന്നു ഇവ. തിരുവനന്തപുരത്തേക്കും മെഡിക്കൽ കോളജിലേക്കുമായിട്ടാണ് ഈ ബസുകൾ സർവീസ് നടത്തുന്നത്. ആക്രമണത്തിന് പിന്നിലുള്ള കാരണം ഇതുവരെ വ്യക്തമല്ല. സംഭവത്തിൽ പൊലീസ് അന്വേഷണം ആരംഭിച്ചു.

കൽപ്പറ്റ: മയക്കുമരുന്ന് കടത്ത് അടക്കം നിരവധി കേസുകളിൽ പ്രതിയായ യുവാവിനെ കാപ്പ ചുമത്തി സെൻട്രൽ ജയിലിൽ അടച്ചു. കൽപ്പറ്റ മുണ്ടേരി താന്നിക്കൽ വീട്ടിൽ വേണുഗോപാൽ (35) നെയാണ് സെൻട്രൽ ജയിലിലേക്ക് മാറ്റിയത്. ജൂലൈ മാസത്തിൽ അമ്പലവയൽ സ്റ്റേഷൻ പരിധിയിൽ 124.39 ഗ്രാം എം.ഡി.എം.എ പിടികൂടിയ സംഭവത്തിൽ വേണുഗോപാൽ ജില്ലാ ജയിലിൽ റിമാൻഡിൽ കഴിഞ്ഞു വരികയായിരുന്നു. സ്ഥിരം ലഹരിവിൽപ്പനക്കാരനായ ഇയാൾ ജയിലിൽ നിന്നിറങ്ങിയ ശേഷം വീണ്ടും ലഹരികടത്തുകയായിരുന്നു. ഇത്തരത്തിൽ സ്ഥിരം കുറ്റവാളിയായ ഇയാൾക്കെതിരെ ജില്ലാ പോലീസ് മേധാവി സമർപ്പിച്ച […]

തിരുവനന്തപുരം:പൊലീസ് സ്റ്റേഷനിലെ ഓണാഘോഷത്തിനിടെ അടിച്ച് ഫിറ്റായ പൊലീസുകാരൻ എസ്പിയെ കണ്ട് ഓടെടാ ഓട്ടം. ഒപ്പമുണ്ടായിരുന്ന രണ്ടുപേർ മദ്യത്തിൻറെ തരിപ്പിൽ പ്രോട്ടോക്കോൾ പോലും മറന്നു. കഴിഞ്ഞ ദിവസമായിരുന്നു സംഭവം. പിന്നാലെ ഡ്യൂട്ടിക്ക് ഹാജരാകുന്നതിൽ ഗുരുതര വീഴ്ച വരുത്തിയ മദ്യപിക്കുകയും ചെയ്ത മൂന്ന് പൊലീസ് ഉദ്യോഗസ്ഥർക്ക് സസ്പെൻഷനും എത്തി. അരുവിക്കര സ്റ്റേഷനിൽ റൂറൽ എസ്പി പ്രശാന്തൻ കാണിയുടെ മിന്നൽ പരിശോധനയ്ക്ക് പിന്നാലെയാണ് അച്ചടക്ക നടപടി. സ്റ്റേഷനിലെ സിവിൽ പൊലീസ് ഓഫിസർമാരായ അച്ചു ശങ്കർ, പ്രശാന്ത്, അനിൽകുമാർ എന്നിവർക്കെതിരെയാണ് അച്ചടക്ക നടപടി. […]

കൊയിലാണ്ടി: കൊയിലാണ്ടി ബസ് സ്റ്റാൻഡിൽ നിർത്തിയിട്ടിരുന്ന സ്വകാര്യ ബസ് പുലർച്ചെ മോഷ്ടാക്കൾ കടത്തിക്കൊണ്ടുപോയി. കോഴിക്കോട്–കൊയിലാണ്ടി റൂട്ടിലോടുന്ന ‘സെനോ’ എന്ന ബസാണ് മോഷണം പോയത്. എന്നാൽ, വഴിമധ്യേ സർവീസ് റോഡിൽ ചെളിയിൽ താഴ്ന്നതോടെ മോഷ്ടാക്കൾ ബസ് ഉപേക്ഷിച്ച് കടന്നുകളഞ്ഞു. ഇന്ന് പുലർച്ചെ മൂന്ന് മണിയോടെയായിരുന്നു സംഭവം. ഇന്നലെ രാത്രി ഒമ്പത് മണിയോടെ സർവീസ് അവസാനിപ്പിച്ച് പേരാമ്പ്ര ഭാഗത്തേക്കുള്ള ട്രാക്കിൽ പാർക്ക് ചെയ്തിരുന്ന ബസാണ് മോഷ്ടാക്കൾ കടത്തിയത്. തുടർന്ന് പൊയിൽക്കാവിനും ചെങ്ങോട്ട്കാവിനും ഇടയിൽ എത്തിയപ്പോൾ സർവീസ് റോഡിൽ ബസ് ചെളിയിൽ […]

ന്യൂഡൽഹി: നീറ്റ് പി.ജി. 2026 പരീക്ഷ ഓഗസ്റ്റ് 30-ന് നടക്കും. രാവിലെ 9:00 മുതൽ ഉച്ചയ്ക്ക് 12:30 വരെ ഒറ്റ ഷിഫ്റ്റായി കമ്പ്യൂട്ടർ അധിഷ്ഠിതമായാണ് (CBT) പരീക്ഷ ക്രമീകരിച്ചിരിക്കുന്നത്. പരീക്ഷാർഥികൾക്കുള്ള അഡ്മിറ്റ് കാർഡ് ഓഗസ്റ്റ് 25-ന് (ഇന്ന്) പുറത്തിറക്കും. പരീക്ഷാർഥികൾക്ക് എന്.ബി.ഇ.എം.എസ്. (NBEMS) ഔദ്യോഗിക വെബ്‌സൈറ്റ് വഴി അഡ്മിറ്റ് കാർഡ് ഡൗൺലോഡ് ചെയ്യാവുന്നതാണ്. ​മുമ്പ് ഓഗസ്റ്റ് 27-നും പിന്നീട് ഓഗസ്റ്റ് 24-ലേക്കും മാറ്റിയ അഡ്മിറ്റ് കാർഡ് തീയതിയാണ് ബോർഡ് വീണ്ടും പുതുക്കി ഓഗസ്റ്റ് 25 ആക്കിയത്. പരീക്ഷാ […]

കണ്ണൂർ: കണ്ണൂർ സെൻട്രൽ ജയിലിനുള്ളിലേക്ക് ചെരിപ്പിനുള്ളിൽ ഒളിപ്പിച്ച് ഹാഷിഷ് ഓയിൽ കടത്താൻ ശ്രമം. സംഭവത്തിൽ തടവുകാരൻ ഉൾപ്പെടെ മൂന്നുപേർക്കെതിരെ കണ്ണൂർ ടൗൺ പോലീസ് കേസെടുത്തു. ചെരിപ്പ് തുളച്ച് ദ്വാരമുണ്ടാക്കിയ ശേഷം ചെറിയ കവറിനുള്ളിലാക്കിയാണ് ഹാഷിഷ് ഓയിൽ ഒളിപ്പിച്ചത്. രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് ഇവ കണ്ടെത്തിയത്. സന്ദർശകരെന്ന വ്യാജേന തടവുകാരനെ കാണാൻ എത്തിയതായിരുന്നു രണ്ടംഗ സംഘം. ഫോണിലൂടെയായിരുന്നു ഇവർ ആശയവിനിമയം നടത്തിയിരുന്നത്. ഈ ഫോൺ സംഭാഷണങ്ങളും തെളിവായി ലഭിച്ചിട്ടുണ്ട്. കണ്ണൂർ സെൻട്രൽ ജയിലിനുള്ളിലേക്ക് ലഹരിവസ്തുക്കളും മൊബൈൽ […]

പയ്യോളി: അന്താരാഷ്ട്ര ശാസ്ത്ര റാങ്കിംഗ് ഏജൻസിയായ സൈ റാങ്കിംഗ് പുറത്തുവിട്ട ലോകത്തെ മികച്ച 5 ശതമാനം ശാസ്ത്രജ്ഞരുടെ പട്ടികയിൽ ഇടം നേടിയ ഡോ. കെ.കെ. ബിനീഷിനെ പയ്യോളി ഹൈസ്കൂൾ 1996 എസ്.എസ്.എൽ.സി ബാച്ച് ആദരിച്ചു. സ്കൂളിലെ പൂർവവിദ്യാർഥിയായ ഇയാളെ ‘ഒരുമിക്കാൻ ഒരു പൊന്നോണം’ എന്ന ഓണാഘോഷ ചടങ്ങിലാണ് പൂർവവിദ്യാർഥ കൂട്ടായ്മ ആദരിച്ചത്. കേന്ദ്ര കാലാവസ്ഥാ വ്യതിയാന മന്ത്രാലയത്തിന് കീഴിലുള്ള ‘സുവോളജിക്കൽ സർവേ ഓഫ് ഇന്ത്യ’യുടെ ചെന്നൈ മറൈൻ ബയോളജി റീജിയണൽ സെന്ററിൽ സയന്റിസ്റ്റാണ് ഡോ. ബിനീഷ്. സമുദ്ര […]

എറണാകുളം: ആലുവ സബ് ജയിലിൽ നിന്ന് റിമാൻഡ് പ്രതി ചാടിപ്പോയി. മോഷണക്കേസിൽ റിമാൻഡിലായിരുന്ന അസം സ്വദേശി മധുർജ്യ സോനെവാലാണ് ഇന്ന് വൈകീട്ട് ജയിൽ അധികൃതരെ വെട്ടിച്ച് കടന്നുകളഞ്ഞത്. സഹതടവുകാർക്കൊപ്പം കുളിക്കാനായി പുറത്തിറങ്ങിയപ്പോഴായിരുന്നു പ്രതിയുടെ രക്ഷപ്പെടൽ. സംഭവത്തെ തുടർന്ന് പ്രതിക്കായി പോലീസും ജയിൽ അധികൃതരും ചേർന്ന് സമീപ പ്രദേശങ്ങളിലും അയൽ ജില്ലകളിലും തിരച്ചിൽ ശക്തമാക്കിയിട്ടുണ്ട്.