ചെന്നൈ: തമിഴ്നാട് ആളിയാർ ഡാമിൽ കുളിക്കുന്നതിനിടെ ഒഴുക്കിൽപ്പെട്ട മൂന്ന് വിദ്യാർഥികൾ മുങ്ങിമരിച്ചു. ചെന്നൈയിലെ സ്വകാര്യ കോളേജിലെ എൻജിനിയറിങ് വിദ്യാർഥികളാണ് മരിച്ചത്. ചെന്നൈ സ്വദേശികളായ ധരുൺ, രേവന്ത്, ആന്റോ എന്നിവരാണ് മരിച്ചതെന്ന് പൊലീസ് പറഞ്ഞു.
പൊള്ളാച്ചിയിൽ നിന്നും വാൽപ്പാറയിലേക്ക് പോകുന്ന ഭാഗത്താണ് ആളിയാർ ഡാം.
സുഹൃത്തുക്കൾക്ക് ഒപ്പം ഡാം പരിസരത്ത് വിനോദയാത്രയ്ക്കെത്തിയ വിദ്യാർഥികൾ ഇന്ന് രാവിലെയാണ് അപകടത്തിൽപ്പെട്ടത്. ഒരാൾ ഒഴുക്കിൽപ്പെട്ടപ്പോൾ മറ്റ് രണ്ട് പേർ രക്ഷിക്കാൻ ശ്രമിക്കുകയും അപകടത്തിൽപ്പെടുകയുമായിരുന്നു.
