വടകര: കഞ്ചാവ് കടത്തിയ യുവാവിനെ എക്സൈസ് സംഘം പിടികൂടി. ഇന്നലെ രാത്രി പത്തരയോടെയായിരുന്നു സംഭവം. വടകര എക്സൈസ് സർക്കിൾ ഓഫീസിലെ എക്സൈസ് സർക്കിൾ ഇൻസ്പെക്ടർ ഹിറോഷ് വി.ആറും പാർട്ടിയും കുറ്റ്യാടി പ്രദേശത്ത് നടത്തിയ പരിശോധനയ്ക്കിടെയാണ് പ്രതിയെ പിടികൂടിയത്.
വടകര വടയം മാരാൻ വീട്ടിൽ സുർജിത്ത് (37) എന്നയാളെയാണ് പിടികൂടിയത്. കുറ്റ്യാടി പേരാമ്പ്ര-സംസ്ഥാനപാതയിൽ സ്ഥിതിചെയ്യുന്ന മെഹഫിൽ ഓഡിറ്റോറിയത്തിന് മുന്നിൽ കെ.എൽ. 58 ജി 1125 നമ്പർ കാറിൽ 200 ഗ്രാം കഞ്ചാവ് കൈവശം വെച്ച് കടത്തിക്കൊണ്ടുപോവുകയായിരുന്നു ഇയാള്‍. പ്രതിയെ അറസ്റ്റ് ചെയ്തതിനെ തുടർന്ന് എക്സൈസ് വകുപ്പ് കേസെടുത്തു.പരിശോധനാ സംഘത്തിൽ അസിസ്റ്റന്റ് എക്സൈസ് ഇൻസ്പെക്ടർ ജി. പ്രമോദ് പുളിക്കൂൽ, പ്രിവന്റീവ് ഓഫീസർ ഗ്രേഡ് സായി ദാസ്, സിവിൽ എക്സൈസ് ഓഫീസർമാരായ ഷിരാജ് കെ., മുസ്ബിൻ ഇ.എം., നിഷ എൻ.കെ., സിഇഒ ഡ്രൈവർ പ്രജീഷ് ഇ.കെ. എന്നിവരും പങ്കെടുത്തു.
