കൊയിലാണ്ടി: കൊയിലാണ്ടി റെയിൽവേ സ്റ്റേഷൻ പരിസരത്തു നിന്ന് ബൈക്ക് മോഷണം നടത്തവെ യുവാവ് പോലീസ് പിടിയില്‍. പുലർച്ചെ കൊയിലാണ്ടി സി.ഐ. ശ്രീലാൽ ചന്ദ്രശേഖരന് കിട്ടിയ രഹസ്യ വിവരത്തിൻ്റെ അടിസ്ഥാനത്തിൽ നൈറ്റ് പെട്രോളിങ് ഡ്യൂട്ടിയിൽ ഉണ്ടായിരുന്ന എസ് ഐ ഗിരീഷ് കെ പി, സീനിയർ സിവിൽ പോലീസ് ഓഫീസർ സിനി രാജ്. ഡ്രൈവർ ഗംഗേഷ് എന്നിവർ ചേർന്നാണ് റെയിൽവെ സ്റ്റേഷൻ പരിസരത്തു നിന്ന് പാർക്കു ചെയ്ത ബൈക്കുമായി മോഷ്ടിച്ച് പോകുകയായിരുന്ന പൂനൂർ സ്വദേശിയായ യാസിറിനെ കസ്റ്റഡിയിൽ എടുത്തത്. ഇയാൾ മുമ്പ് നിരവധി മോഷണ കേസുകളിൽ പ്രതിയാണ്. പ്രതിയെ ഇന്ന് കോടതിയിൽ ഹാജരാക്കും.
