ന്യൂഡൽഹി: കേരള ഗവർണർ ആരിഫ് മുഹമ്മദ്‌ ഖാന്റെ വാഹനവ്യൂഹത്തിലേക്ക് കാർ ഇടിച്ചുകയറ്റി ആക്രമണത്തിന് ശ്രമം. സംഭവത്തിൽ യുപി പൊലീസ്  2 പേർ കസ്റ്റഡിയിലായി. ഗവർണർ സുരക്ഷിതനാണ്.വെള്ളിയാ‍ഴ്ച രാത്രി  നോയിഡയിൽ നിന്നും ഡൽഹിയിലേക്കുള്ള യാത്രയ്ക്കിടെയാണ് സംഭവം. കറുത്ത സ്ക്കോർപിയോ കാറാണ് ഇടിച്ചു കയറ്റിയത്. കാർ ഓടിച്ചിരുന്നയാൾ മദ്യലഹരിയിലായിരുന്നുവെന്ന് പറയുന്നു. മനഃപൂർവ്വമാണോ വണ്ടി ഇടിച്ചു കയറ്റിയതെന്ന് പൊലീസ് പരിശോധിക്കുന്നു.