തിക്കോടി: തിക്കോടിയിൽ അടിപ്പാത അനുവദിച്ചതായി കർമ്മ സമിതിക്ക് അറിയിപ്പ് ലഭിച്ചു. തിക്കോടി പാലൂർ-ചിങ്ങപുരം റോഡിന് സമീപമാണ് അടിപ്പാത അനുവദിച്ചത്. കര്‍മ്മ സമിതി കൺവീനർ കെ വി സുരേഷ് കുമാറിനാണ് അശുതോഷ് സിംഹയുടെ അറിയിപ്പ് ലഭിക്കുന്നത്.
രണ്ടര വർഷമായി ആക്ഷൻ കമ്മിറ്റിയുടെ നേതൃത്വത്തിൽ തിക്കോടിയിൽ സമരം നടന്നുവരികയായിരുന്നു. സമരത്തിൽ പങ്കെടുത്ത മുഴുവൻ ആളുകളെയും പിന്തുണച്ചവരെയും അഭിവാദ്യം ചെയ്യുന്നതായി ചെയർമാൻ വി.കെ. അബ്ദുൾ മജീദ്, കൺവീനർ കെ.വി. സുരേഷ് കുമാർ എന്നിവർ അറിയിച്ചു. ഇന്ന് വൈകുന്നേരം 5 മണിക്ക് തിക്കോടി ടൗണിൽ ആഹ്ലാദ പ്രകടനം സംഘടിപ്പിക്കുമെന്ന് ആക്ഷൻ കമ്മിറ്റി അറിയിച്ചു.
