പയ്യോളി: തിക്കോടി പെരുമാൾപുരത്ത് ട്രെയിനിടിച്ച് അജ്ഞാതൻ മരിച്ചു. ഇന്ന് പുലർച്ചെ 5.45-ഓടെ മലബാർ എക്സ്പ്രസ് ഇടിച്ചാണ് അപകടമുണ്ടായത്. മൃതദേഹം പൂർണ്ണമായും ചിന്നിച്ചിതറിയ നിലയിലാണ്.പെരുമാൾപുരം റെയിൽവേ ട്രാക്കിൽ മൃതദേഹം കണ്ട വിവരം ലോക്കോ പൈലറ്റാണ് അധികൃതരെ അറിയിച്ചത്. തുടർന്ന് പയ്യോളി പോലീസ് സ്ഥലത്തെത്തി പരിശോധന നടത്തി. മരിച്ചത് പുരുഷനാണെന്ന് സ്ഥിരീകരിച്ചിട്ടുണ്ടെങ്കിലും ആളെ തിരിച്ചറിയാനായിട്ടില്ല.