പയ്യോളി: വേനൽ കനത്തതോടെ യാത്രക്കാർക്ക് സൗജന്യ കുടിവെള്ളം ഒരുക്കി പയ്യോളി നഗരസഭ ഡിവിഷൻ കൗൺസിലർ. പയ്യോളി ടൗൺ ഡിവിഷൻ കൗൺസിലറും മുൻ നഗരസഭ വൈസ് ചെയർപേഴ്സനുമായ സിപി ഫാത്തിമയാണ് ബസ്റ്റാൻഡിൽ എത്തുന്നവർക്കായി സൗജന്യ കുടിവെള്ളം ഒരുക്കിയത്. ബസ്റ്റാൻഡിലെ മിൽമ ബൂത്തിനോട് ചേർന്ന ബസ് വെയിറ്റിംഗ് ഷെഡിലാണ് കുടിവെള്ളം സ്ഥാപിച്ചിരിക്കുന്നത്. ഇന്ന് രാവിലെ നടന്ന ചടങ്ങിൽ ഇരുപത്തിയൊന്നാം വാർഡ് വികസന സമിതി അംഗങ്ങളായ ഇ കെ ശീതൾ രാജ്, എസ് എം അബ്ദുൽ ബാസിത്, പിവി ശിവപ്രകാശ്, ഹരീഷ്, ശരീഫ തുടങ്ങിയവർ പങ്കെടുത്തു.
Join our whatsapp group
