പയ്യോളി: കൊളാവിപ്പാലം ബീച്ച് റോഡിൽ റേഷൻകടയ്ക്ക് സമീപം നിയന്ത്രണം വിട്ട കാറിടിച്ച് വൈദ്യുതത്തൂൺ തകർന്നു. വെള്ളിയാഴ്ച വൈകീട്ടോടെയായിരുന്നു അപകടം. നിയന്ത്രണം തെറ്റിയ കാർ ഇലക്ട്രിക് പോസ്റ്റിലിടിച്ച ശേഷം റോഡരികിലെ താഴ്ചയിലേക്ക് ഇറങ്ങി നിൽക്കുകയായിരുന്നു. അപകടസമയത്ത് കാറിലുണ്ടായിരുന്ന വടകര കസ്റ്റംസ് റോഡ് സ്വദേശികളായ മൂന്ന് യുവാക്കൾ പരിക്കേൽക്കാതെ അത്ഭുതകരമായി രക്ഷപ്പെട്ടു. ഇടിയുടെ ആഘാതത്തിൽ വൈദ്യുതത്തൂൺ പൂർണ്ണമായും പൊട്ടി വീഴുകയും കാറിന്റെ മുൻഭാഗം തകരുകയും ചെയ്തിട്ടുണ്ട്.