തിരുവനന്തപുരം: 2026 ലെ വാർഷിക പരീക്ഷാ കലണ്ടർ പിഎസ്‍സി വെബ്സൈറ്റിൽ പ്രസിദ്ധീകരിച്ചു. 2025 ഡിസംബർ 31 വരെ വിജ്ഞാപനം ചെയ്ത 902 തസ്തികകളിൽ ഇതിനകം പരീക്ഷകൾ നടത്തിയതും അഭിമുഖം മാത്രമായി തെരഞ്ഞെടുപ്പ് നടത്താൻ തീരുമാനിച്ചതുമായ തസ്തികകളൊഴികെയുള്ള 679 തസ്തികകളുടെ സാധ്യതാ പരീക്ഷാ കലണ്ടറാണ് പ്രസിദ്ധീകരിച്ചത്.

പൊതുപ്രാഥമിക പരീക്ഷകൾ, ഒറ്റത്തവണ പരീക്ഷകൾ, മുഖ്യപരീക്ഷകൾ എന്നിവയുടെ സമയക്രമമാണ് പ്രസിദ്ധീകരിച്ചത്. വിശദവിവരങ്ങൾ പിഎസ്‍സി വെബ്സൈറ്റിൽ ലഭിക്കും.പ്രധാന പരീക്ഷകളുടെ സാധ്യതാസമയക്രമം താഴെപ്പറയും പ്രകാരമാണ്.

ബിരുദതല പൊതു പ്രാഥമിക പരീക്ഷകൾ

സബ് ഇൻസ്പെക്ടർ ഓഫ് പൊലീസ്, സ്പെഷ്യൽ ബ്രാഞ്ച് അസിസ്റ്റന്റ്, അസിസ്റ്റന്റ് ജയിലർ, അസിസ്റ്റന്റ് (കെഎടി), അസിസ്റ്റന്റ് (യൂണിവേഴ്സിറ്റികൾ), അസിസ്റ്റന്റ്(കമ്പനി/ബോർഡ്/കോർപ്പറേഷൻ) തുടങ്ങിയവ

പ്രാഥമികപരീക്ഷ മെയ് – ജൂലായ്

മുഖ്യ പരീക്ഷ ആഗസ്ത് – ഒക്ടോബർ

ഹയർ സെക്കൻഡറി സ്കൂൾ ടീച്ചർ (മെയ് – ജൂലായ്)

അസിസ്റ്റന്റ് പ്രൊഫസർ മെഡിക്കൽ വിദ്യാഭ്യാസം (മെയ് – ജൂലായ്)

സിവിൽ എക്സൈസ് ഓഫീസർ (മെയ് – ജൂലായ്)

പൊലീസ് കോൺസ്റ്റബിൾ, വനിത പൊലീസ് കോൺസ്റ്റബിൾ (ജൂണ്‍ – ആഗസ്ത്)

എസ്എസ്എൽസി തല പൊതു പ്രാഥമിക പരീക്ഷകൾ

ലാസ്റ്റ് ഗ്രേഡ് സെർവന്റ്സ് – (കമ്പനി/ബോർഡ്/കോർപ്പറേഷൻ), എൽഡി ക്ലർക്ക് (ബിവറേജസ് കോർപ്പറേഷൻ) തുടങ്ങിയവ

പ്രാഥമികപരീക്ഷ ജൂലൈ – സെപ്തംബർ

മുഖ്യ പരീക്ഷ ഒക്ടോബർ – ഡിസംബർ

ഫയർ ആൻഡ് റെസ്ക്യൂ ഓഫീസർ (ജൂലൈ – സെപ്തംബർ)

വില്ലേജ് ഫീൽഡ് അസിസ്റ്റന്റ് (സെപ്തംബര്‍- നവംബര്‍)

അഭിമുഖം

മലപ്പുറം ജില്ലയിൽ വിദ്യാഭ്യാസ വകുപ്പിൽ മ്യൂസിക് ടീച്ചർ (ഹൈസ്കൂൾ) (മുസ്ലീം) (കാറ്റഗറി നമ്പർ 662/2024) തസ്തികയിലേക്ക് 2026 ജനുവരി 7 നും ഡ്രോയിങ് ടീച്ചർ (ഹൈസ്കൂൾ) (കാറ്റഗറി നമ്പർ 79/2024) തസ്തികയിലേക്ക് 2026 ജനുവരി 8, 9, 14, 15, 16 തീയതികളിലും പിഎസ്‍സി മലപ്പുറം ജില്ലാ ഓഫീസിൽ വച്ച് അഭിമുഖം നടത്തും. ഉദ്യോഗാർത്ഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.

ഹയർ സെക്കൻഡറി വിദ്യാഭ്യാസ വകുപ്പിൽ ഹയർ സെക്കൻഡറി സ്കൂൾ ടീച്ചർ (ജൂനിയർ) കമ്പ്യൂട്ടർ സയൻസ് (കാറ്റഗറി നമ്പർ 410/2023) തസ്തികയിലേക്കുള്ള ഒന്നാംഘട്ട അഭിമുഖം 2026 ജനുവരി 7, 8, 9 തീയതികളിൽ പിഎസ്‍സി ആസ്ഥാന ഓഫീസിൽ വച്ച് നടത്തും. ഉദ്യോഗാർത്ഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്. അറിയിപ്പ് ലഭിക്കാത്തവർ ജിആർ5 വിഭാഗവുമായി ബന്ധപ്പെടണം (0471 2546439).

പ്രമാണപരിശോധന

കേരള വാട്ടർ അതോറിറ്റിയിൽ കോൺഫിഡൻഷ്യൽ അസിസ്റ്റന്റ് ഗ്രേഡ് 2 (കാറ്റഗറി നമ്പർ 93/2023) തസ്തികയുടെ ചുരുക്ക പട്ടികയിലുൾപ്പെട്ടവരിൽ പ്രമാണ പരിശോധന പൂർത്തിയാക്കാത്ത ഉദ്യോഗാർത്ഥികൾക്ക് 2026 ജനുവരി 07 പിഎസ്‍സി ആസ്ഥാന ഓഫീസിൽ വച്ച് പ്രമാണപരിശോധന നടത്തും. ഉദ്യോഗാർത്ഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.