കോഴിക്കോട്: മലബാര്‍ പ്രവാസികള്‍ക്ക് ആശ്വാസമായി എയര്‍ ഇന്ത്യ എക്സ്പ്രസ്. കോഴിക്കോട് (കരിപ്പൂർ) അന്താരാഷ്ട്ര വിമാനത്താവളത്തില്‍ നിന്ന് കുവൈറ്റിലേക്ക് നേരിട്ടുള്ള വിമാന സർവീസുകള്‍ 2026 മാർച്ച് അവസാനം മുതല്‍ പുനരാരംഭിക്കുന്നു. മലബാറിലെ പ്രവാസികള്‍ക്ക് ഏറെ സന്തോഷം നല്‍കുന്ന വാർത്തയാണ് ഇത്.
കോഴിക്കോട് – കുവൈറ്റ് സെക്ടറില്‍ എയർ ഇന്ത്യ എക്സ്പ്രസ് സർവീസുകള്‍ നിർത്തിവെച്ചിരുന്നത് പ്രവാസികള്‍ക്ക് വലിയ തിരിച്ചടിയായിരുന്നു. എന്നാല്‍, പുതിയ ഷെഡ്യൂള്‍ പ്രകാരം 2026 മാർച്ച് അവസാനം മുതല്‍ നേരിട്ടുള്ള ഫ്ലൈറ്റുകള്‍ ലഭ്യമാകും.
പുതിയ ഷെഡ്യൂള്‍ അനുസരിച്ച്‌ ആഴ്ചയില്‍ അഞ്ച് ദിവസങ്ങളില്‍ എയർ ഇന്ത്യ എക്സ്പ്രസ് കോഴിക്കോടിനും കുവൈറ്റിനുമിടയില്‍ സർവീസ് നടത്തും. വിമാന ടിക്കറ്റുകളുടെ ബുക്കിംഗ് ഇതിനോടകം വിമാന കമ്പനി ആരംഭിച്ചു കഴിഞ്ഞു. യാത്രക്കാർക്ക് എയർ ഇന്ത്യ എക്സ്പ്രസിന്റെ ഔദ്യോഗിക വെബ്സൈറ്റ് വഴിയോ അംഗീകൃത ട്രാവല്‍ ഏജൻസികള്‍ വഴിയോ ടിക്കറ്റുകള്‍ ബുക്ക് ചെയ്യാം.
