തിക്കോടി : തിക്കോടി ഡ്രൈവ് ഇൻ ബീച്ചിൽ നാലു പേരുടെ മരണത്തിനിടയാക്കിയ ദുരന്തത്തിന് നാളെ ( ജനുവരി 26 ) ഒരാണ്ട്. കടലിലിറങ്ങിയ രണ്ട് സ്ത്രീകളടക്കം നാലു പേർ തിരയിൽപ്പെട്ടുപോവുകയായിരുന്നു. വയനാട് കല്പ്പറ്റ സ്വദേശികളായിരുന്നു അപകടത്തിൽപ്പെട്ടത്.
മുണ്ടേരി സ്വദേശി ഫൈസൽ, കല്പ്പറ്റ നോര്ത്ത് സിപിഎം ലോക്കൽ കമ്മിറ്റി അംഗം വിനീഷ് (40), അനീസ (35), വാണി (32) എന്നിവരായിരുന്നു മരണപ്പെട്ടത്
കഴിഞ്ഞ വർഷം അവധി ദിവസമായ ഞായറാഴ്ച ( ജനുവരി 26 ) ഇവര് രാവിലെ കോഴിക്കോട്ടേക്ക് ടൂര് പോയതായിരുന്നു. വയനാട്ടിലേക്ക് തിരികെ വരുമ്പോൾ ബീച്ചിൽ കയറിയപ്പോൾ ആയിരുന്നു അപകടം. അവധിയായതിനാൽ ബീച്ചിൽ നല്ല തിരക്കുണ്ടായിരുന്നു. ബീച്ചിലേക്കിറങ്ങിയപ്പോള് അഞ്ചുപേർ തിരയിൽപെടുകയായിരുന്നു. ഒരാൾ രക്ഷപ്പെട്ടു.
