‘മാസപ്പടി’ വാങ്ങാൻ കൃത്യമായി എത്തും, വിജിലൻസിനെ കണ്ടതും പണം വലിച്ചെറിഞ്ഞു; എക്സൈസ് ഇൻസ്പെക്ടർ പിടിയിൽ

Dec 23, 2025, 9:38 am GMT+0000 payyolionline.in

പുതുക്കാട് (തൃശൂർ) : ബാറുടമകളിൽ നിന്നും കള്ളുഷാപ്പ് കോൺട്രാക്ടർമാരിൽ നിന്നും മാസപ്പടി ആയി കൈപ്പറ്റിയ 32,500 രൂപയുമായി എക്സൈസ് ഇൻസ്പെക്ടർ വിജിലൻസ് പിടിയിൽ. ചാലക്കുടി റേഞ്ച് ഇൻസ്പെക്ടർ സി.യു. ഹരീഷ് ആണ് പാലിയേക്കരയിൽ പിടിയിലായത്. വിജിലൻസിനെ കണ്ടയുടൻ പണം കാറിനു പുറത്തേക്കു വലിച്ചെറിഞ്ഞെങ്കിലും അന്വേഷണസംഘം പിടികൂടി.ബാർ, കള്ളുഷാപ്പ് ഉടമകളിൽ നിന്ന് ഇൻസ്പെക്ടർ മാസപ്പടി കൈപ്പറ്റ‍ാറുണ്ടെന്നും വീട്ടിലേക്കു കാറിൽ പോകുന്ന ദിവസമാണു പണം വാങ്ങാറുള്ളതെന്നും വിജിലൻസിനു നേരത്തെ വിവരം ലഭിച്ചിരുന്നു. ഇന്നലെ വൈകിട്ട് ആറുമണിയോടെ ഇൻസ്പെക്ടറുടെ കാർ വിജിലൻസ് പാലിയക്കേര ടോൾ പ്ലാസയ്ക്കു സമീപം തടയുകയായിരുന്നു.

സന്നിധാനത്തേക്ക് ഭക്തജനപ്രവാഹം; അരവണയിൽ വീണ്ടും നിയന്ത്രണം, ഒരാൾക്ക് 10 ടിൻ മ .. ഒന്നര ലക്ഷം സീരിയൽ ബൾബുകളുമായി ഫോർട്ട് കൊച്ചിയിലെ മഴ മരം പൂത്തുലയും; നിറം ഏതെ ..