മുക്കത്ത് തെരുവുനായ്ക്കൾ കോഴിക്കൂട് തകർത്ത് മുന്നൂറോളം കുഞ്ഞുങ്ങളെ കൊന്നു

Mar 8, 2025, 6:28 am GMT+0000 payyolionline.in

മുക്കം∙ ഒരു മാസം മാത്രം പ്രായമുള്ള കോഴിക്കു‍ഞ്ഞുങ്ങള തെരുവുനായ്ക്കൾ കൂട്ടത്തോടെ കടിച്ചു കൊന്നു. കാരശ്ശേരി പഞ്ചായത്തിലെ കുറ്റിപറമ്പ് ചോയിമഠത്തിൽ അംജദ് ഖാന്റെ വളർത്തു കോഴിക്കുഞ്ഞുങ്ങളെയാണ് കോഴിക്കൂടിന്റെ നെറ്റ് തകർത്ത് തെരുവുനായ്ക്കൾ കൂട്ടത്തോടെ കടിച്ചു കൊന്നത്. കഴിഞ്ഞ ദിവസം പുലർച്ചയോടെയാണ് സംഭവം. കോഴികളുടെ ബഹളം കേട്ട് അയൽവാസികൾ അംജദ് ഖാനെ വിവരം അറിയിച്ച് എത്തിയപ്പോഴേക്കും 280 കോഴികളെ കൊന്നു കഴി‍ഞ്ഞിരുന്നു. കൂട്ടിൽ 300 കോഴികൾ ഉണ്ടായിരുന്നു. ഗ്രാമശ്രീ ഇനത്തിൽ പെട്ട ഒരു മാസം പ്രായമായവയാണ്.25,000 രൂപയുടെ നഷ്ടം കണക്കാക്കുന്നു. കളരിക്കണ്ടി, കുറ്റിപ്പറമ്പ് ഭാഗങ്ങളിൽ തെരുവുനായ്ക്കളുടെ വിളയാട്ടം വർധിച്ചതായി പരാതിയുണ്ട്.