പയ്യോളി: ലോക പാലിയേറ്റീവ് ദിനം സുരക്ഷ പെയിൻ ആൻ്റ് പാലിയേറ്റീവ് നേതൃത്വത്തിൽ വിവിധ മേഖലാ കേന്ദ്രങ്ങളിൽ ആചരിച്ചു. പയ്യോളി സൗത്ത് മേഖല കമ്മിറ്റിയുടെ നേതൃത്വത്തിൽ പയ്യോളി ടൗണിൽ പാലിയേറ്റീവ് പരിചരണ സന്ദേശ റാലി സംഘടിപ്പിച്ചു. സിപി എം പയ്യോളി ഏരിയ സെക്രട്ടറി എം പി ഷിബു റാലി ഉദ്ഘാടനം ചെയ്തു.
കെ പി സി രാജീവൻ അധ്യക്ഷനായി. എം വി ബാബു, പി എം ഗംഗാധരൻ എന്നിവർ സംസാരിച്ചു.
പി വി അനിൽകുമാർ സ്വാഗതം പറഞ്ഞു. കോട്ടക്കൽ മേഖല കമ്മിറ്റിയുടെ നേതൃത്വത്തിൽ പാലിയേറ്റീവ് സന്ദേശ റാലിയും ദീപം തെളിയിച്ച് പ്രതിജ്ഞയുമെടുത്തു. എൻ ടി അബ്ദുറഹിമാൻ ഉദ്ഘാടനം ചെയ്തു . എസ് പി രമേശൻ അധ്യക്ഷനായി. പി വി രാമകൃഷണൻ സംസാരിച്ചു. എം കാദർ സ്വാഗതം പറഞ്ഞു.
പള്ളിക്കര: സുരക്ഷ പാലിയേറ്റീവ് പള്ളിക്കര മേഖല കമ്മിറ്റിയുടെ നേതൃത്വത്തിൽ സന്ദേശ റാലി സംഘടിപ്പിച്ചു. സിപിഎം ഏരിയ സെക്രട്ടറി എം പി ഷിബു ഫ്ലാഗ് ഓഫ് ചെയ്തു. ബാബു പടിക്കൽ അധ്യക്ഷനായി. അനിൽ കരുവാണ്ടി, കെ വിജയരാഘവൻ, ഹമീദ് പുതുക്കുടിഎന്നിവർ സംസാരിച്ചു. ദിനേശൻ പൊയിൽ സ്വാഗതം പറഞ്ഞു.
പയ്യോളി: പയ്യോളി നോർത്ത് മേഖലാ കമ്മിറ്റിയുടെ നേതൃത്വത്തിൽ അയനിക്കാട് സന്ദേശ റാലി നടത്തി. മേഖലാ പ്രസിഡൻറ് കെ സുനിൽ ഉദ്ഘാടനം ചെയ്തു. കെ കെ ഖാലിദ് അധ്യക്ഷനായി. വി വി അനിത, എം എ വിനോദൻ എന്നിവർ സംസാരിച്ചു. വിനീഷ് കുറ്റിക്കാട്ടിൽ സ്വാഗതം പറഞ്ഞു.
നന്തി : നന്തി മേഖല കമ്മിറ്റിയുടെ നേതൃത്വത്തിൽ നന്തി ടൗണിൽ പാലിയേറ്റീവ് കെയർ സന്ദേശ റാലി നടത്തി. പി കെ അജയകുമാർ ഉദ്ഘാടനം ചെയ്തു. പി കെ പ്രകാശൻ അധ്യക്ഷനായി. കെ സിന്ധു, വി ടി ബിജീഷ് സംസാരിച്ചു. സുനിൽ അക്കമ്പത്ത് സ്വാഗതം പറഞ്ഞു.
