പയ്യോളി : ദേശീയപാതയിൽ അയനിക്കാട് പള്ളി – അയ്യപ്പക്ഷേത്ര പരിസരത്ത് അടിപ്പാത അനുവദിക്കണമെന്ന് ആവശ്യപ്പെട്ട് നടന്ന ജനകീയ മനുഷ്യചങ്ങലയിൽ പ്രതിഷേധമിരമ്പി . ദേശീയപാത വികസനത്തിന്റെ ഭാഗമായി രണ്ടായി വിഭജിക്കപ്പെടുന്ന പ്രദേശത്തെ സ്ത്രീകളും കുട്ടികളുമടക്കമുള്ള നൂറുകണക്കിന് പേരാണ് മനുഷ്യച്ചങ്ങലയിൽ അണിനിരന്നത്. ടെമ്പിൾ – മസ്ജിദ് അടിപ്പാത ആക്ഷൻ കമ്മിറ്റി പയ്യോളി നോർത്തിൻ്റെ ആഭിമുഖ്യത്തിൽ നടന്ന പരിപാടി പയ്യോളി നഗരസഭ ചെയർപേഴ്സൺ എൻ. സാഹിറ ഉദ്ഘാടനം ചെയ്തു.
കെ.പി. അബ്ദുൽ ഹക്കീം അധ്യക്ഷത വഹിച്ചു. നഗരസഭ വൈസ് ചെയർമാൻ മുജേഷ് ശാസ്ത്രി , ശശി തരിപ്പയിൽ , കെ ജയകൃഷ്ണൻ, ഷാഹിദ പുറത്തൂട്ട് , പി പി അബ്ദുൽ അസീസ്, ആരിഫ ഫൈസൽ, ഹയറുന്നിസ , നസീമ, തുഷാര , കെ.ടി. വിനോദൻ, എൻ.സി. മുസ്തഫ, കെ.എം. ഷമീർ, പി.വി. അഹമ്മദ്, കെ.പി.ഗിരീഷ് കുമാർ, ടി.പി.ലത്തീഫ് , കെ.ടി.ഹംസ എന്നിവർ സംസാരിച്ചു. മനോജ് തരിപ്പയിൽ സ്വാഗതവും എം. പി. ജയദേവൻ നന്ദിയും പറഞ്ഞു.
