കൊച്ചി: സംസ്ഥാനത്ത് സ്വര്‍ണവില വീണ്ടും കൂടി. ചൊവ്വാഴ്ച (07-07-2025) പവന് 400 രൂപ കൂടി 72,480 രൂപയാണ് ഒരു പവന് സ്വര്‍ണത്തിന്‍റെ വില. ഗ്രാമിന് 50 രൂപയാണ് കൂടിയത്. 9060 രൂപയാണ് ഒരു ഗ്രാം സ്വര്‍ണത്തിന്‍റെ ഇന്നത്തെ വില.
തിങ്കളാഴ്ച സ്വർണവില 400 രൂപ കുറഞ്ഞിരുന്നു. ഇതാണ് ഇപ്പോൾ അതേപടി തിരിച്ചുകയറിയത്. രണ്ടാഴ്ചയ്ക്കിടെ 3000 രൂപയിലധികം കുറഞ്ഞ ശേഷം ജൂലൈ ആദ്യം മുതലാണ് സ്വര്‍ണവില തിരിച്ചുകയറാന്‍ തുടങ്ങിയത്. ദിവസങ്ങളുടെ വ്യത്യാസത്തില്‍ 1500 രൂപയാണ് വര്‍ധിച്ചത്. അതേസമയം, വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിക്ക് 116 രൂപയിലാണ് വ്യാപാരം പുരോഗമിക്കുന്നത്.
