നന്തി : നന്തി വീരവഞ്ചേരിയില്‍ തേങ്ങാക്കൂട കത്തിനശിച്ചു. പിലാക്കാട്ട്വയല്‍ ഭാഗത്ത് കുളത്തുംപൂറം മുസ്തഫയുടെ വീട്ടിലെ തേങ്ങാക്കൂടയാണ് കത്തിനശിച്ചത്. ഇന്നലെ ഉച്ചയ്ക്ക് രണ്ടരയോടെയാണ് സംഭവം. അടുക്കളയുടെ മുകള്‍ ഭാഗത്താണ് തേങ്ങാക്കൂട. കൊയിലാണ്ടിയില്‍ നിന്നു അഗ്നിരക്ഷാ സേന എത്തിയാണ് തീയണച്ചത്. അയ്യായിരത്തില്‍ പരം തേങ്ങ കത്തി നശിക്കുകയും കൂടയ്ക്ക് കേടുപാടു സംഭവിക്കുകയും ചെയ്തു. ഒന്നര ലക്ഷത്തോളം രൂപയുടെ നഷ്ടം കണക്കാക്കുന്നു. അഗ്നിരക്ഷാ സേന സ്റ്റേഷന്‍ ഓഫീസര്‍ പി കെ ശരത്ത് , ഫയര്‍ ഓഫീസര്‍മാരായ കെ പ്രദീപ്., വി കെ ഇര്‍ഷാദ്, സി പി ബബീഷ്, കെ ടി അനൂപ് എന്നിവര്‍ തീയണയ്ക്കാന്‍ നേതൃത്വം നല്‍കി.
