പയ്യോളി: പയ്യോളി ശ്രീ നാരായണ ഗ്രന്ഥാലയം മേലടിയുടെ നേതൃത്വത്തിൽ നടത്തിയ വായനാ പക്ഷാചരണ പരിപാടികളുടെ സമാപന സമ്മേളനം ഗ്രന്ഥശാല സംഘം മേഖലാ സമിതി കൺവീനർ കെ.ജയകൃഷ്ണൻ ഉദ്ഘാടനം ചെയ്തു. വായനാ പക്ഷാചരണത്തിന്റെ ഭാഗമായി അംഗത്വ വാരാചരണം,അക്ഷര ദീപം തെളിയിക്കൽ, ശ്രീനാരായണഭജനമഠം ഗവ.യു.പി സ്കൂൾ വിദ്യാർത്ഥികൾക്കായി ആസ്വാദന കുറിപ്പ് രചനാ മത്സരങ്ങൾ , വായനയുടെ പ്രസക്തിയെ കുറിച്ചുള്ള പ്രഭാഷണങ്ങളും നടന്നു.
സമാപന പരിപാടിയിൽ അനുരാജ് വരിക്കാലിൽ പ്രഭാഷണവും ഗ്രന്ഥാലയം പ്രസിഡന്റ് ചന്ദ്രൻ മുദ്രയുടെ അധ്യക്ഷതയിൽ വിജയികൾക്കുള്ള സമ്മാനദാനം ശ്രീ. പി.കെ. വിജയനും നിർവ്വഹിച്ചു. ഹരീഷ് മാസ്റർ , എ.ടി. രഞ്ജിത്ത്,ഇ.കെ.ബിജു, വി.കെ.മുനീർ എന്നിവർ സംസാരിച്ചു. കെ.വി. ചന്ദ്രൻ സ്വാഗതവും പി.എം. ഹരിദാസ് നന്ദിയും രേഖപ്പെടുത്തി.
