പയ്യോളി : ചെറുകിട വ്യാപാര മേഖലയെ സംരക്ഷിക്കണമെന്ന് ആവശ്യപ്പെട്ട് വ്യാപാരി വ്യവസായി ഏകോപന സമിതി ചൊവ്വാഴ്ച സംസ്ഥാനത്ത് ആഹ്വാനം ചെയ്ത കടയടപ്പ് സമരം പയ്യോളിയിൽ പൂർണം. മെഡിക്കൽ സ്റ്റോറുകൾ ഒഴികെയുള്ള വ്യാപാരസ്ഥാപനങ്ങൾ പൂർണ്ണമായി അടഞ്ഞു കിടന്നു. ബാങ്കിംഗ് സർക്കാർ സ്ഥാപനങ്ങൾ കൂടുതലായുള്ള തിരക്കേറിയ പേരാമ്പ്ര റോഡിൽ കടകൾ തുറക്കാത്തതിനാൽ വിജനമായി കാണപ്പെട്ടു.
തിരക്ക് കാരണം കാൽനടയ്ക്ക് പോലും പ്രയാസപ്പെടുന്ന ബീച്ച് റോഡും ഇന്നലെ ശൂന്യമായി.ടൗണിൽ ആളുകൾ എത്താത്തതിനാൽ ഓട്ടോ – ടാക്സി, ഗുഡ്‌സ് ഓട്ടോ വാഹനങൾക്ക് കാര്യമായി ഓട്ടം കിട്ടിയില്ല.സ്വകാര്യ ബസുകളിൽ യാത്രക്കാർ കുറവായിരുന്നു.ദേശീയ പാതയിലടക്കം ഹോട്ടലുകൾ ഭൂരിഭാഗവും അടഞ്ഞു കിടന്നതിനാൽ ദീർഘ ദൂര യാത്രക്കാർ ഭക്ഷണം കിട്ടാതെ വലഞ്ഞു
