പയ്യോളി : ദേശീയപാതയിൽ അയനിക്കാട് വിക്ട്ടറിക്ക് സമീപം പയ്യോളി എസ് ഐ സഞ്ചരിച്ച ജീപ്പ് ഡിവൈഡറിൽ ഇടിച്ചു മറിഞ്ഞു. ഇന്ന് രാവിലെ പതിനൊന്നരയോടെയാണ് സംഭവം.
വാഹനത്തിൽ ഉണ്ടായിരുന്ന പയ്യോളി എസ് ഐ അൻവർഷ ഷാ, സീനിയർ സിവിൽ പോലീസ് ഓഫീസർ സുരേഷ് എന്നിവർ നിസ്സാര പരിക്കുകളോടെ രക്ഷപ്പെട്ടു.
പോലീസ് ജീപ്പ് ബ്രേക്ക് ചവിട്ടിയതിനെ തുടർന്ന് തെന്നി നിയന്ത്രണം വിട്ട് റോഡിന്റെ നടുവിലെ ഡിവൈഡറില്‍ ഇടിച്ച് മറിയുകയായിരുന്നു.
പയ്യോളി സ്റ്റേഷനിൽ നിന്ന് വടകര ഡിസിആർബിയിലേക്ക് പോവുകയായിരുന്ന കെ എല്‍ 1 സി എച്ച് 81 54 പോലീസ് ജീപ്പ് ആണ് അപകടത്തിൽപ്പെട്ടത്.
