മണിയൂരിൽ കുട്ടികൾ കളിക്കുന്നതിനിടയിൽ കിണറ്റിൽ വീണ് അഞ്ചു വയസുകാരൻ മരിച്ചു

Apr 19, 2025, 2:41 pm GMT+0000 payyolionline.in

വടകര: മണിയൂർ കരുവഞ്ചേരിയിൽ കളിക്കുന്നതിനിടയിൽ ബന്ധുക്കളായ രണ്ട് കുട്ടികൾ കിണറ്റിൽ വീണു. ഒരാൾ മരിച്ചു. മറ്റൊരാൾ രക്ഷപ്പെട്ടു. കൈരളി ഗ്രന്ഥാലയത്തിനു സമീപം വടക്കെ ചാലിൽ ‘ചന്ത്രകാന്ത’ ത്തിൽ നിവാൻ (5) ആണ് മരിച്ചത്. രക്ഷപ്പെട്ട ദ്രുപത് (9) നെ വടകര സഹകരണ ആശുപത്രിയിൽ പ്രവേശിപ്പിച്ചു. ശനിയാഴ്ച പകൽ നാലോടെയാണ് സംഭവം. ബന്ധുക്കളായ കുട്ടികൾ വീടിന് സമീപത്തെ ആളൊഴിഞ്ഞ പറമ്പിൽ കളിക്കുന്നതിനിടയിൽ അബന്ധത്തിൽ കിണറ്റിൽ വീഴുകയായിരുന്നു. പറമ്പിലെ ആളൊഴിഞ്ഞ മൂലയിലുള്ള ആൾമറയില്ലാത്ത കിണറ്റിലാണ് കുട്ടികൾ വീണത്. പടവുകളിൽ തൂങ്ങി പിടിച്ചു നിന്നതിനാൽ ദ്രുപത് രക്ഷപ്പെടുകയായിരുന്നു. മറ്റ് കുട്ടികൾ ബഹളം വെച്ചതോടെ സമീപത്തുള്ളവർ ഓടി എത്തി രക്ഷാപ്രവർത്തനം നടത്തി. വടകരയിൽ നിന്നും ഫയർഫോഴ്സ് സംഭവ സ്ഥലത്ത് എത്തിയിരുന്നു. നിവാനെ ഉടൻ തച്ചൻകുന്ന് കുടുംബാരോഗ്യ കേന്ദ്രത്തിൽ എത്തിച്ചെങ്കിലും മരിച്ചിരുന്നു. മൃതദേഹം വടകര ഗവ. ജില്ലാ ആശുപത്രി മോർചറിയിലേക്ക് മാറ്റി.
നിഖിലാണ് നിവാൻ്റ അച്ഛൻ. അമ്മ: ജിജി. സഹോദരി: നിയ.

മീൻ വിൽക്കാൻ പൊയ്ക്കൂടെയെന്ന് മന്ത്രി ചോദിച്ചു; തുറന്നടിച്ച് വനിത സിപിഒ ഉദ് .. ഇരിങ്ങലിൽ വേനൽ തുമ്പി പരിശീലന ക്യാമ്പ് ആരംഭിച്ചു