കൊയിലാണ്ടി: കെ എസ് ഇ ബി വർക്കേഴ്സ് അസോസിയേഷൻ വടകര ഡിവിഷൻ സമ്മേളനം കൊയിലാണ്ടി കൈരളി ഓഡിറ്റോറിയത്തിൽ നടന്നു. സമ്മേളനം സി ഐ ടി യു കൊയിലാണ്ടി ഏരിയ സെക്രട്ടറി അശ്വിനി ദേവ് ഉദ്ഘാടനം ചെയ്തു.
ഡിവിഷൻ പ്രസിഡൻ്റ് പ്രദീപൻ പി.ടി പതാക ഉയർത്തുകയും അദ്ധ്യക്ഷത വഹിക്കുകയും ചെയ്തു. ഡിവിഷൻ സെക്രട്ടറി എം ഷാജി സ്വാഗതവും പറഞ്ഞു. രക്തസാക്ഷി പ്രമേയം ദിലീപും, അനുശോചന പ്രമേയം ശശി കുന്നുമ്മലും അവതരിപ്പിച്ചു.
ഡിവിഷൻ റിപ്പോർട്ട് എം. ഷാജി അവതരിപ്പിച്ചു. സംഘടന റിപ്പോർട്ട് സി അജിത അവതരിപ്പിച്ചു. ഡബ്യൂ എ സംസ്ഥാന ഭാരവാഹികളായ രാജേഷ് മണാട്ട്, രഘുനാഥൻ കെ, പ്രമോദ് പി.കെ, അബ്ദുൾ അക്ബർ എം.എം, ഉണ്ണികൃഷ്ണൻ സി.വി എന്നിവർ സംസാരിച്ചു
