കൊയിലാണ്ടി: സ്വകാര്യ ബസ് ഓട്ടോയിലിടിച്ച് ഓട്ടോ ഡ്രൈവർ അത്ഭുതകരമായി രക്ഷപ്പെട്ടു. സംഭവത്തെ തുടർന്ന് നാട്ടുകാർ ബസ് തടഞ്ഞു.
ഇന്നു രാവിലെ 9.30 ഓടെയാണ് താലൂക്ക് ആശുപത്രിക്ക് മുൻവശത്തായിരുന്നു അപകടം. കോഴിക്കോട് നിന്ന് തലശ്ശേരിയിലെക്ക് പോവുകയായിരുന്ന KL 10 A 4574 നമ്പർ ബസ്സാണ് KL 56 L 66 18 നമ്പർ ഓട്ടോയിലിടിച്ചത്. ഓട്ടോ ഡ്രൈവർ അത്ഭുതകരമായി രക്ഷപ്പെടുകയായിരുന്നു.
ഇതിനിടയിൽ ബസ് മുന്നോട്ടെടുത്ത് പോകാൻ ശ്രമിക്കവെ നാട്ടുകാർ തടയുകയായിരുന്നു. അമിത വേഗതയിൽ വന്ന് ഓവർ ടേക്ക് ചെയ്യുന്നതിനിടയിലാണ് ഓട്ടോയിൽ ഇടിച്ചത്. ഇതൊടെ ഗതാഗത കുരുക്ക് രൂക്ഷമായി.ഒടുവിൽ പോലീസെത്തി നടപടികൾ സ്വീകരിച്ചു.
സ്വകാര്യ ബസ്സുകളുടെ മരണപാച്ചിലും, ഓവർട്ടക്ക് ചെയ്യുന്നതും നിരവധി അപകടങ്ങൾ വരുത്തുന്നതായി വ്യാപകമായ പരാതിയുണ്ടായിരുന്നു
