കൊയിലാണ്ടി: സാങ്കേതിക കാരണങ്ങളാൽ തീർപ്പാക്കാതെ കിടക്കുന്ന അപേക്ഷകളിൽ ജനങ്ങളുടെ സൗകര്യത്തിനായി കൊയിലാണ്ടി നഗരസഭ ഫയൽ അദാലത്ത് സംഘടിപ്പിച്ചു. അദാലത്തിൽ ലഭിച്ച 31 അപേക്ഷകളിൽ 24 എണ്ണത്തിൽ തീർപ്പായി. അവശേഷിച്ച അപേക്ഷകളിൽ നിയമാനുസൃത തുടർ നടപടികൾ സ്വീകരിക്കാൻ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകി.
![](https://payyolionline.in/wp-content/uploads/2023/12/gfd-300x180.jpg)
നഗരസഭാങ്കണത്തിൽ നടന്ന പരിപാടി നഗരസഭ അധ്യക്ഷ സുധ കിഴക്കെപ്പാട്ട് ഉദ്ഘാടനം ചെയ്തു. ഉപാധ്യക്ഷൻ കെ.സത്യൻ അധ്യക്ഷത വഹിച്ചു. സ്ഥിരംസമിതി ചെയർമാൻ ഇ.കെ.അജിത്, നഗരസഭ സെക്രട്ടറി ഇന്ദു എസ്.ശങ്കരി, ക്ലീൻ സിറ്റി മാനേജർ ടി.കെ.സതീഷ് കുമാർ, അസി.എഞ്ചിനീയർ കെ.ശിവപ്രസാദ് എന്നിവർ സംസാരിച്ചു.