കൊയിലാണ്ടി: കൊയിലാണ്ടി ഉപജില്ലാ ദേശഭക്തി ഗാനാലാപന മത്സരം റെഡ്ക്രോസ് താലൂക്ക്
വൈസ്. ചെയർമാൻ സി.ബാലൻ ഉദ്ഘാടനം ചെയ്തു. ജിഷ ടീച്ചർ അധ്യക്ഷത വഹിച്ചു. കരുണാകരൻ മാസ്റ്റർ, ഡി.ആർ.ഷിംലാൽ , കെ.പി.ജീ.ഹാഷിഫ് എന്നിവർ പ്രസംഗിച്ചു. കോഡിനേറ്റർ കെ.സി റാജ് സ്വാഗതവും ബി.എൻ ജീഷ നന്ദിയും പറഞ്ഞു. എൽ.പി, യു.പി, ഹൈസ്ക്കൂൾ വിഭാഗങ്ങളിലായി ഇരുപത്തഞ്ച് ടീമുകൾ പങ്കെടുത്തു. എൽ പി വിഭാഗം ഒന്നാം സ്ഥാനം കൊല്ലം യു.പി, രണ്ടാം സ്ഥാനം കോതമംഗലം ഗവ.എൽപി , മൂന്നാം സ്ഥാനം
കാരയാട് എ.എൽ.പി എന്നിവർ വിജയികളായി.
ദേശഭക്തി ഗാനാലാപന മത്സരത്തിൽ ഒന്നാം സ്ഥാനം കരസ്ഥമാക്കിയ കൊല്ലം യു പി
യു. പി.വിഭാഗം ഒന്നാം സ്ഥാനം വിജയികളായി ഊരള്ളൂർ എം യു പി, കുറുവങ്ങാട് സൗത്ത് യുപി, അരിക്കുളം യു.പി രണ്ടും മൂന്നും സ്ഥാനങ്ങൾ നേടി. ഹൈസ്ക്കൂൾ വിഭാഗം പന്തലായനി ഗവ. ഹൈസ്ക്കൂൾ ഒന്നാം സ്ഥാനം, അരിക്കുളം കെ.പി.എം.എസ എം ഹൈസ്ക്കൂൾ, ഗവ.വൊക്കേഷണൽ ഹൈസ്ക്കൂൾ അത്തോളി രണ്ടും മൂന്നും സ്ഥാനം നേടി. വിജയികൾക്ക് ഉപജില്ലാ വിദ്യാഭ്യാസ ഓഫീസർ ഗിരീഷ് കുമാർ സമ്മാനം വിതരണം ചെയ്തു.
