കൊവിഡിന്റെ പുതിയ വകഭേദം തമിഴ്നാട്ടിലും; ഒമിക്രോൺ ബിഎ 4 വകഭേദമെന്ന് സ്ഥിരീകരണം

news image
May 21, 2022, 3:24 pm IST payyolionline.in

ചെന്നൈ: തമിഴ്നാട്ടിൽ കൊവിഡിന്റെ ഏറ്റവും പുതിയ വകഭേദമായ ഒമിക്രോൺ ബിഎ 4 കണ്ടെത്തി. രാജ്യത്ത് രണ്ടാമതാണ് ഈ രോഗബാധ സ്ഥിരീകരിക്കുന്നത്. ചെങ്കൽപേട്ട് സ്വദേശിക്കാണ് രോഗം സ്ഥിരീകരിച്ചത്. ഇദ്ദേഹത്തിന്റെ ആരോഗ്യനില തൃപ്തികരമെന്ന് സംസ്ഥാന ആരോഗ്യവകുപ്പ് അറിയിച്ചു.

ആരോഗ്യവകുപ്പ് മന്ത്രി എം എ സുബ്രഹ്മണ്യൻ വാർത്താക്കുറിപ്പിലൂടെയാണ് രോഗബാധ സ്ഥിരീകരിച്ച വിവരം അറിയിച്ചത്. ചെന്നൈയിൽ നിന്ന് 30 കിലോമീറ്റർ അകലെ ചെങ്കൽപേട്ട് ജില്ലയിലെ നാവാലൂർ സ്വദേശിയാണ് രോഗബാധ സ്ഥിരീകരിച്ചയാൾ.

 

ഇതിന് മുൻപ് ഹൈദരാബാദിലായിരുന്നു ആദ്യത്തെ ഒമിക്രോൺ ബിഎ 4 ബാധ സ്ഥിരീകരിച്ചത്. ദക്ഷിണാഫ്രിക്കയിൽ നിന്ന് ഹൈദരാബാദിലേക്ക് തിരിച്ചെത്തിയ ആൾക്കാണ് രോഗം സ്ഥിരീകരിച്ചത്. മെയ് ഒൻപതിനായിരുന്നു ഇത്. ഇയാളുമായി ബന്ധപ്പെട്ടവരെ കണ്ടെത്തി നിരീക്ഷണത്തിലേക്ക് മാറ്റിയിരുന്നു. 12 ദിവസം കഴിഞ്ഞിട്ടും ഹൈദരാബാദിൽ മറ്റാർക്കും ഈ രോഗബാധ സ്ഥിരീകരിച്ചിരുന്നില്ല. ഈ ആശ്വാസത്തിൽ കഴിയുമ്പോഴാണ് ചെന്നൈയിൽ നിന്ന് വീണ്ടും ഒമിക്രോൺ ബിഎ 4 ബാധയുടെ റിപ്പോർട്ടുകൾ പുറത്തുവരുന്നത്.

Get daily updates from payyolionline

Subscribe Newsletter

Subscribe on telegram

Subscribe