തച്ചൻകുന്ന്: തച്ചൻകുന്ന് ഭാവന കലാവേദി വായനശാല ആന്‍റ് ഗ്രന്ഥാലയത്തിന്റെ ആഭിമുഖ്യത്തിൽ ഗാന്ധിജയന്തി ദിനാഘോഷത്തിന്റെ ഭാഗമായി വിദ്യാർത്ഥികൾക്കായി ഗാന്ധി ക്വിസും ഗാന്ധിസ്മൃതി പ്രഭാഷണവും സംഘടിപ്പിച്ചു.
മുനിസിപ്പൽ കൗൺസിലർ വടക്കയിൽ ഷഫീഖ് ചടങ്ങ് ഉദ്ഘാടനം ചെയ്തു. ലൈബ്രറി കൗൺസിൽ പയ്യോളി മേഖലാ ചെയർമാൻ പി.എം. അഷ്റഫ് ഗാന്ധിസ്മൃതി പ്രഭാഷണം നടത്തി. ചന്ദ്രൻ തോട്ടത്തിൽ അദ്ധ്യക്ഷത വഹിച്ചു. കാർത്തികേയൻ കെ. സ്വാഗതവും ജോഷി കെ.കെ. നന്ദിയും പറഞ്ഞു.
ഗാന്ധി ക്വിസിൽ യു.പി. വിഭാഗത്തിൽ ആൽവിൻ, ഹാർദ്ദവ്, തന്മയ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. എൽ.പി. വിഭാഗത്തിൽ നൈതിക്, നൈനിക, നക്ഷത്ര എന്നിവരും വിജയികളായി.
