ഇരിങ്ങൽ: പ്രശസ്ത ഗായകനും സംഗീത അധ്യാപകനുമായ എം.ടി. ശിവദാസ് (രാഗസുധ – 65) നിര്യാതനായി. മണിയൂർ ഹൈസ്‌കൂളിലെ റിട്ടയേർഡ് അധ്യാപകനാണ്. നിരവധി സംഗീത ആൽബങ്ങൾക്ക് സംഗീതം നൽകുകയും ആലപിക്കുകയും ചെയ്തിട്ടുള്ള അദ്ദേഹം റേഡിയോ ബി-ഹൈ (B-High) ആർട്ടിസ്റ്റ് കൂടിയായിരുന്നു. ഒരു കാലഘട്ടത്തിൽ ഗാനമേളകളിലും നിരവധി ഭക്തിഗാനങ്ങളിലൂടെയും ശ്രദ്ധേയനായ പ്രമുഖ ഗായകനായിരുന്നു. പരേതനായ പാറച്ചാൽ മാധവന്റെയും ലീലയുടെയും മകനാണ്. ഭാര്യ: പ്രമീള. മക്കൾ: ശ്രീദാസ് (ഫ്രാൻസ്), സംഗീത. മരുമക്കൾ: മെറിലു ശ്രീദാസ്, ശ്രീജിത്ത് (മുടപ്പിലാവിൽ). സഹോദരങ്ങൾ: ടി. ചന്ദ്രൻ മാസ്റ്റർ (റിട്ട. അധ്യാപകൻ, പയ്യോളി ഗവ. ഹയർ സെക്കൻഡറി സ്കൂൾ), എം.ടി. രമേശ് (ലാൻഡ് അക്വിസിഷൻ ഓഫീസ്, വടകര), പുഷ്പലത, ഗീത. സംസ്‌കാരം നാളെ രാവിലെ 11 മണിക്ക് വീട്ടുവളപ്പിൽ നടക്കും.