കോഴിക്കോട്: കോഴിക്കോട് മെഡിക്കൽ കോളേജിൽ പ്രസവ ശസ്ത്രക്രിയയ്ക്കിടെ ചികിത്സാ പിഴവെന്ന് പരാതി. കോഴിക്കോട് ചെറുവണ്ണൂർ സ്വദേശി അനുശ്രീ ആണ് പരാതി നൽകിയത്. പരാതിയിൽ ഡോ. ഷമ മുഹമ്മദിന് എതിരെ കേസെടുത്തു. ഫോർസെപ്സ് ഉപയോഗിച്ച് കുഞ്ഞിനെ അശ്രദ്ധമായി വലിച്ചെടുത്തെന്നാണ് പരാതി. ഡോക്ടറുടെ അശ്രദ്ധ മൂലം കുട്ടിയുടെ തലയോട്ടി ചുരുങ്ങി സ്ഥിരം വൈകല്യം സംഭവിച്ചെന്നും പരാതിയിൽ പറയുന്നു.
2024 ജനുവരിയിൽ ആയിരുന്നു അനുശ്രീയുടെ പ്രസവം നടന്നത്. പ്രസവത്തിന് ശേഷം അഞ്ച് ശസ്ത്രക്രിയ നടത്തേണ്ടി വന്നു.
സാധാരണ പ്രസവത്തിന് ശേഷവും ഗർഭ പാത്രം നീക്കം ചെയ്തു. ചികിത്സാ പിഴവിൽ കേസ് എടുക്കണം എന്നാവശ്യപ്പെട്ട് അനുശ്രീയും കുടുംബവും മെഡിക്കൽ കോളേജിന് മുന്നിൽ പ്രതിഷേധം നടത്തിയിരുന്നു.
