പയ്യോളി : മേലടി സബ്ജില്ല 2024- ശാസ്ത്രോത്സവം ശാസ്ത്രമേളയിൽ മൂന്നാം സ്ഥാനം നേടിയ അയനിക്കാട് എ എൽ പി സ്കൂളിനെ സ്മാർട്ട് റെസിഡൻസ് അസോസിയേഷൻ, കുറ്റിയിൽ പീടികയുടെ നേതൃത്വത്തിൽ ആദരിച്ചു.
ചടങ്ങ് അസോസിയേഷൻ പ്രസിഡന്റ് പി. സുരേഷ് കുമാർ ഉദ്ഘാടനം ചെയ്തു. എം. പി. ബാബു ചടങ്ങിന് അധ്യക്ഷനായപ്പോൾ, സെക്രട്ടറി രാജീവൻ ശ്രീഗോവിന്ദം, മറിയം കെ. വി., പി. കെ. സുരേഷ്, എം. പി. ടി. എ. പ്രസിഡന്റ് ഷിജില, സന്ധ്യ ടീച്ചർ എന്നിവർ ചടങ്ങിൽ സംസാരിച്ചു.
അഭിനന്ദന ചടങ്ങിൽ പി. കെ. ചന്ദ്രൻ, രാജൻ കെ. പി., അബൂബക്കർ എന്നിവരും നേതൃത്വം വഹിച്ചു. സ്കൂളിന്റെ പ്രധാനാധ്യാപിക രാജലക്ഷ്മി ടീച്ചർ ചടങ്ങിന് സ്വാഗതവും, രാധിക ടീച്ചർ നന്ദിയും രേഖപ്പെടുത്തി.
