കൊയിലാണ്ടി: കാണാതായ ആൾകിണറ്റിൽ വീണ് മരിച്ച നിലയിൽ കണ്ടെത്തി. അത്തോളി ചോയ് ബസാറില്‍ നെല്ലായിയിൽ സനൽ (42 ) ൻ്റെ മൃതദേഹമാണ് വീടിനടുത്തെ പറമ്പിലെ കിണറ്റിൽ കണ്ടെത്തിയത്.
ഇന്നലെ ഉച്ചക്ക് രണ്ടു മണിയോടുകൂടി പോലീസ് വിവരമറിയിച്ചതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന എത്തുകയും ഫയർ ആൻഡ് റെസ്ക്യൂ ഓഫീസർ ഇർഷാദ് പികെ കിണറ്റിൽ ഇറങ്ങി സേനാംഗങ്ങളുടെയും റ്സക്യു നെറ്റിന്റെയും സഹായത്തോടു കൂടി മൃതദേഹം കരയ്ക്ക് എത്തിക്കുകയും ചെയ്തു.
രണ്ടുദിവസമായി ഇദ്ദേഹത്തെ കാണാനില്ലായിരുന്നു. ഗ്രേഡ് അസിസ്റ്റൻറ് സ്റ്റേഷൻ ഓഫീസർ പി കെ ബാബുവിൻ്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ നിധി പ്രസാദ് ഇഎം, ശ്രീരാഗ് എംവി, റിനീഷ് പി കെ, ഹോം ഗാർഡ് സോമകുമാർ എന്നിവർ രക്ഷാപ്രവർത്തനത്തിൽ ഏർപ്പെട്ടു.
