പേരാമ്പ്ര: 85 സ്കൂളുകളിൽ നിന്നായി 1000 ത്തിൽ അധികം വിദ്യാർത്ഥികൾ പങ്കെടുത്ത പേരാമ്പ്ര ഉപജില്ലാ പ്രവൃത്തിപരിചയ മേള പേരാമ്പ്ര എ. യു. പി. സ്കൂളിൽ പേരാമ്പ്ര ബ്ലോക്ക് പഞ്ചായത്ത് പ്രസിഡണ്ട് എൻ. പി ബാബു ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡണ്ട് വി.കെ പ്രമോദ് അധ്യക്ഷത വഹിച്ചു. ഗ്രാമ പഞ്ചായത്ത് മെമ്പർ പി. ജോന മുഖ്യാതിഥി ആയി. ഉപജില്ല വിദ്യാഭ്യാസ ഓഫീസർ കെ.വി.പ്രമോദ് മുഖ്യപ്രഭാഷണം നടത്തി. ബ്ലോക്ക് പ്രോഗാം ഓഫീസർ വി.പി നിത, പി.ടി.എ പ്രസിഡണ്ട് വി. എം. മനേഷ്, കെ.സി മുഹമ്മദ്, ബിജുമാത്യു, കെ. സജീവൻ, പി.എം റിഷാദ്, ടി.കെ. ഉണ്ണികൃഷ്ണൻ, എൻ.കെ. അസീസ് എന്നിവർ സംസാരിച്ചു. ഹെഡ്മാസ്റ്റർ പി. പി. മധു സ്വാഗതവും പ്രവർത്തിപരിചയ മേള ഉപജില്ലാ കൺവീനർ ഫാത്തിമ ഷംന നന്ദിയും പറഞ്ഞു.
