പയ്യോളി : കോട്ടക്കൽ കുഞ്ഞാലി മരക്കാർ ഹയർ സെക്കൻഡറി സ്കൂളിലെ നാഷണൽ സർവീസ് സ്കീം വളണ്ടിയർമാർ എൻഎസ്എസിന്റെ ദത്ത് ഗ്രാമത്തിലെ ഇരിങ്ങൽ അംഗൻവാടിയിലെ വിദ്യാർത്ഥികളുമായി ശിശുദിനം ആഘോഷിച്ചു. പാട്ടുകളും ഡാൻസും കഥകളും പങ്കുവച്ച് കുട്ടികളുമായി നീളുന്ന സന്തോഷ നിമിഷങ്ങൾ വളണ്ടിയർമാർ പങ്കിട്ടു.
അംഗൻവാടി ടീച്ചർ സരോജം പരിപാടി ഉദ്ഘാടനം ചെയ്തു. ക്യാപ്റ്റൻ ഭാവന ഐ കെ. ഹിസ്റ്ററി അധ്യാപിക ദിവ്യ എ. വളണ്ടിയർ ലീഡർമാരായ മുഹമ്മദ് നജാത്, പുണ്യ എന്നിവർ കുട്ടികൾക്ക് പഠനോപകരണങ്ങൾ വിതരണം ചെയ്തു.
പ്രിൻസിപ്പൽ അഖിലേഷ് ചന്ദ്ര , കമ്പ്യൂട്ടർ സയൻസ് അധ്യാപകൻ പ്രശാന്ത് കുമാർ ഡി കെ, പ്രോഗ്രാം ഓഫീസർ സുമേഷ് പയ്യോളി എന്നിവർ പരിപാടിക്ക് നേതൃത്വം നൽകി.
