വടകര: കടലും കടൽ സമ്പത്തും വൻകിട കുത്തകകൾക്ക് അടിയറ വെക്കരുതെന്ന് മുൻ മന്ത്രിയും ആർജെഡി സംസ്ഥാന സെക്രട്ടറി ജനറലുമായ ഡോ. നീല ലോഹിതദാസ് നാടാർ പറഞ്ഞു. കടൽ മണൽ ഖനനത്തിനെതിരായി വടകര ഹെഡ് പോസ്റ്റ് ഓഫീസിന് മുന്നിൽ ജനത മത്സ്യത്തൊഴിലാളി യൂണിയൻ എച്ച്എംഎസിന്റെ നേതൃത്വത്തിൽ നടന്ന പ്രതിഷേധ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു നീല ലോഹിതദാസ് നാടാർ.
മണൽ ഖനനവും ടെൻഡർ നടപടികളും നിർത്തിവെക്കണമെന്ന് കേന്ദ്രസർക്കാരിനോട് നീല ലോഹിതദാസ് നാടാർ ആവശ്യപ്പെട്ടു. ധർണ്ണയിൽ ബേബി കുര്യാടി അധ്യക്ഷത വഹിച്ചു.
സമരത്തെ അഭിവാദ്യം ചെയ്തു കൊണ്ട് എടി ശ്രീധരൻ, അഡ്വ. സി വിനോദ്,
പ്രസാദ് വിലങ്ങിൽ, സി കുമാരൻ, പി കെ കുഞ്ഞികണ്ണൻ മാസ്റ്റർ, ഇസ്മയിൽ ചാലിയം, രാജൻ കൊളാവിപ്പാലം, ചെറിയാവി സുരേഷ്ബാബു, എം. ടി. കെ ഭാസ്കരൻ എന്നിവർ സംസാരിച്ചു.
എം വി പവിത്രൻ സ്വാഗതവും എംപി മോഹനൻ നന്ദിയും പറഞ്ഞു.
