കനത്ത മഴ: ഡൽഹി മുസ്തഫാബാദിൽ കെട്ടിടം തകർന്ന് നാല് മരണം

Apr 19, 2025, 4:00 am GMT+0000 payyolionline.in

ന്യൂഡൽഹി ∙ മുസ്തഫാബാദിൽ കെട്ടിടം തകർന്നു നാല് മരണം. നിർമാണത്തിലിരുന്ന ആറു നില കെട്ടിടമാണ് കനത്ത മഴയെ തുടർന്നു തകർന്നുവീണത്. സംഭവസ്ഥലത്ത് ദേശീയ ദുരന്ത നിവാരണ സേനയും പൊലീസും രക്ഷാപ്രവർത്തനം നടത്തുന്നു. ‘‘ഇന്ന് പുലർച്ചെ 2:50 ഓടെയാണ് കെട്ടിടം തകർന്നതായി വിവരം ലഭിക്കുന്നത്. സംഭവസ്ഥലത്തെത്തിയപ്പോൾ കെട്ടിടം പൂർണമായും തകർന്നുവീണതായും ആളുകൾ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായും കണ്ടു. സംഭവസ്ഥലത്ത് എൻഡിആർഎഫും ഡൽഹി ഫയർ സർവീസും രക്ഷാപ്രവർത്തനം നടത്തുന്നു.’’ – ഡിവിഷനൽ ഫയർ ഓഫിസർ രാജേന്ദ്ര അത്വാൾ പറഞ്ഞു.