കൊയിലാണ്ടി: ചെങ്ങോട്ടുകാവ് റെയിൽവേ ലൈൻ റോഡിൽ തേക്ക് മരം പൊട്ടി വീണ് ഗതാഗതം തടസ്സപ്പെട്ടു. ഇന്ന് രാവിലെ 6 മണിയോടുകൂടിയാണ് സംഭവം. റോഡിലേക്ക് മരം തറഞ്ഞുവീണതിനെ തുടർന്ന് പ്രദേശത്ത് വാഹനഗതാഗതം കുറച്ചുസമയം പൂര്‍ണമായും നിലച്ചു.
വിവരം ലഭിച്ചതിനെ തുടർന്ന് കൊയിലാണ്ടി അഗ്നിരക്ഷാസേനയുടെ സംഘം എ എസ് ടി ഓ അനിൽകുമാർ പി.എമ്മിന്റെ നേതൃത്വത്തിൽ സ്ഥലത്തെത്തി. സംഘത്തിന്റെ ഇടപെടലിൽ ചെയിൻസോ ഉപയോഗിച്ച് മരമുറിച്ചുമാറ്റി ഗതാഗതം പുനസ്ഥാപിച്ചു.
രക്ഷാപ്രവർത്തനത്തിൽ എ എസ് ടി ഓ മജീദ്, എഫ് ആര്‍ ഓമാരായ ഹേമന്ത്, ജിനീഷ് കുമാർ, അനൂപ് എൻ.പി., രജിലേഷ് സി.എം., ഹോംഗാർഡ് ബാലൻ ടി.പി. എന്നിവർ പങ്കെടുത്തു.
