കൊയിലാണ്ടി: കൊയിലാണ്ടിയിൽ പട്രോളിംഗിനിടെ സ്കൂട്ടറിൽ കടത്തുകയായിരുന്ന കഞ്ചാവ് പിടികൂടി എക്സൈസ്. ഇന്നലെ രാത്രി 8.മണിയോടെ എക്സൈസ് ഇൻസ്പെക്ടർ എ.പി. ദിപീഷും പാർട്ടിയും മുത്താമ്പി റോഡിൽ നിന്നും പടിഞ്ഞാറെ ഭാഗത്തേക്കുപോകുന്ന പുതിയ ബൈപാസിന്റെ അപ്രോച് റോഡിൽ വെച്ച് നെല്ലിക്കോട്ടുകുന്നുമ്മലേക്ക് പോകുകയായിരുന്ന സ്കൂട്ടറിൽ നിന്നാണ് 1.350 കിലോ കഞ്ചാവ് പിടികൂടിയത്.
പിടികൂടിയ കഞ്ചാവ്
കഞ്ചാവ് കടത്തികൊണ്ടുവന്ന സ്കൂട്ടറും, കഞ്ചാവ്, ഒരു മൊബൈൽഫോണും കസ്റ്റഡിയിലെടുത്തു. പ്രതി മുഹമ്മദ് റാഫി ഓടി രക്ഷപ്പെട്ടു. പരിശോധനയിൽ. പി. ഒ. അജയകുമാർ, സി.ഇ.ഒ. മാരായ രാകേഷ്ബാബു, രതീഷ്, ഷൈജു, വിപിൻ, ഷൈനി എന്നിവരുണ്ടായിരുന്നു.
