പയ്യോളി: കോട്ടക്കൽ കുഞ്ഞാലി മരക്കാർ ഹയർ സെക്കൻ്ററി സ്കൂൾ നാഷണൽ സർവ്വീസ് സ്കീം വളണ്ടിയർമാർക്ക് സമദർശൻ എന്ന പേരിൽ സ്ത്രീ പുരുഷ തുല്യതയെക്കുറിച്ചുള്ള ഓറിയൻ്റേഷൻ ക്ലാസ് നടത്തി. സ്ത്രീധനം , വ്യത്യസ്ഥ ലിംഗ വിഭാഗങ്ങളുടെ അവകാശങ്ങൾ തുടങ്ങിയ മേഖലകളെ കുറിച്ച് അവബോധം വളണ്ടിയർമാരിൽ വളർത്തിയെടുക്കാനും ക്ലാസിന് സാധിച്ചു. നാദാപുരം ടി. ഐ.എം ട്രെയിനിംഗ് കോളേജ് അസിസ്റ്റൻറ് പ്രൊഫസർ ലിൻ്റ ഷെനിൽ ക്ലാസ് കൈകാര്യം ചെയ്തു. പ്രിൻസിപ്പൽ അഖിലേഷ് ചന്ദ്ര അധ്യക്ഷം വഹിച്ചു. പ്രോഗ്രാം ഓഫീസർ ഡോ.പി.എം സുമേഷ്, പി.ടി എ പ്രസിഡൻ്റ് കെ.കെ ഹമീദ്, വളണ്ടിയർ ആവണി എന്നിവർ സംസാരിച്ചു.
