പയ്യോളി : ജില്ലാ സ്പഷൽ സ്കൂൾ കലോത്സവത്തിൽ ചാമ്പ്യൻമാരായ പുറക്കാട് ശാന്തിസദനത്തിന് നാടിൻ്റെ അനുമോദനം . മുക്കം മാമ്പറ്റ പ്രതീക്ഷ സ്പഷൽ സ്കൂളിൽ നടന്ന ജില്ലാ കലോത്സവത്തിലാണ് ശാന്തിസദനം ഒന്നാം സ്ഥാനം കരസ്ഥമാക്കിയത്. ഒമ്പത് ഇനങ്ങളിലായി ജില്ലയിലെ 27 സ്കൂളുകളിൽ നിന്നായി മുന്നൂറോളം കുട്ടികളാണ് ശാരീരിക – മാനസിക വെല്ലുവിളികൾ മറന്നുകൊണ്ട് മൂന്ന് വേദികളിലായി മത്സരിച്ചത്.
ശാന്തിസദനം ഓഡിറ്റോറിയത്തിൽ നടന്ന അനുമോദന പരിപാടി കാനത്തിൽ ജമീല എം.എൽ.എ. ഉദ്ഘാടനം ചെയ്തു . തിക്കോടി ഗ്രാമപഞ്ചായത്ത് പ്രസിഡണ്ട് ജമീല സമദ് അധ്യക്ഷത വഹിച്ചു . ജില്ലാ പഞ്ചായത്ത് മെബർ വി.പി. ദുൽഖിഫിൽ , ഗ്രാമപഞ്ചായത്ത് പ്രസിഡണ്ട് രാമചന്ദ്രൻ കുയ്യണ്ടി , വാർഡ് മെംബർ സൗജത്ത് , കെ.കെ.നാസർ , കെ.ഇമ്പിച്ചി അലി , പി.വി. ഇബ്രാഹിം മാസ്റ്റർ , പി.കെ. അബ്ദുല്ല എന്നിവർ സംസാരിച്ചു . ശാന്തിസദനം പ്രിൻസിപ്പാൾ എസ്. മായ ടീച്ചർ സ്വാഗതവും പി.ടി.എ. പ്രസിഡണ്ട് നൗഫൽ നന്ദിയും പറഞ്ഞു.
