പയ്യോളി: വയനാടിന് കൈത്താങ്ങായി ഡി വൈ എഫ് ഐ പയ്യോളി നോർത്ത് മേഖല കമ്മിറ്റി സംഘടിപ്പിക്കുന്ന അതിജീവനത്തിന്റെ ചായക്കട ഓഗസ്റ്റ് 23 വെള്ളിയാഴ്ച ഉച്ചയ്ക്ക് 3 മണി മുതൽ പയ്യോളി ബീച്ച് റോഡിൽ സംഘടിപ്പിക്കുന്നു.
ഡി വൈ എഫ് ഐ നിർമിച്ചു നൽകുന്ന വീടുകൾക്ക് വേണ്ടിയുള്ള ധനശേഖരണാർത്ഥമാണ് ചായക്കട നടത്തുന്നത്. ഇഷ്ടമുള്ളത് കഴിച്ച് ഇഷ്ടമുള്ള തുക ഈയൊരു ഉദ്യമത്തിലേക്ക് സംഭാവന ചെയ്യാൻ കഴിയും. പഴംപൊരിയും ബീഫും, ബീഫും പൊറോട്ടയും, കപ്പയും മീൻകറിയും, മറ്റു എണ്ണക്കടികളുമാണ് ചായക്കടയിലൂടെ ലഭിക്കുക.
