നാ​ദാ​പു​രം: അ​തി​രു​വി​ട്ട പെ​രു​ന്നാ​ൾ ആ​ഘോ​ഷം കാ​റി​ൽ പൊ​ട്ടി​ത്തെ​റി​ക്കി​ട​യാ​ക്കി​യ​തി​നെ തു​ട​ർ​ന്ന് യു​വാ​വി​ന്റെ കൈ​പ്പ​ത്തി ന​ഷ്ട​മാ​യി. വി​വി​ധ സ്ഥ​ല​ങ്ങ​ളി​ൽ ന​ട​ന്ന നി​യ​ന്ത്ര​ണം വി​ട്ട ക​രി​മ​രു​ന്ന് പ്ര​യോ​ഗ​ത്തി​നെ​തി​രെ ശ​ക്ത​മാ​യ പ്ര​തി​ഷേ​ധ​മു​യ​ർ​ന്നു.

മ​ഹ​ല്ല് ക​മ്മി​റ്റി​ക​ളു​ടെ​യും മ​ത​നേ​താ​ക്ക​ളു​ടെ​യും ആ​ഹ്വാ​ന​ങ്ങ​ൾ​ക്ക് വി​രു​ദ്ധ​മാ​യി ഒ​രു​കൂ​ട്ടം യു​വാ​ക്ക​ൾ ടൗ​ണു​ക​ളും ഉ​ൾ​നാ​ടു​ക​ളും കേ​ന്ദ്രീ​ക​രി​ച്ച് അ​പ​ക​ടാ​വ​സ്ഥ വ​രു​ത്തു​ന്ന ത​ര​ത്തി​ൽ ന​ട​ത്തി​യ ക​രി​മ​രു​ന്ന് പ്ര​യോ​ഗ​ത്തി​നെ​തി​രെ​യാ​ണ് പ്ര​തി​ഷേ​ധം ശ​ക്ത​മാ​യ​ത്. സം​ഭ​വ​ത്തി​ൽ ക​ല്ലാ​ച്ചി, വാ​ണി​മേ​ൽ കു​ള​പ്പ​റ​മ്പ്, ആ​വോ​ലം എ​ന്നി​വി​ട​ങ്ങ​ളി​ൽ പൊ​ലീ​സ് എ​ക്സ് പ്ലോ​സി​വ് സ​ബ്സ്റ്റ​ൻ​സ് ആ​ക്ട് അ​ട​ക്കം രേ​ഖ​പ്പെ​ടു​ത്തി കേ​സെ​ടു​ത്തു.

ആ​വോ​ല​ത്ത് കാ​റി​നു​ള്ളി​ൽ​നി​ന്ന് പ​ട​ക്കം പൊ​ട്ടി​ത്തെ​റി​ച്ച സ്ഫോ​ട​ന​ത്തി​ൽ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. ഞാ​യ​റാ​ഴ്ച വൈ​കീ​ട്ടാ​യി​രു​ന്നു സം​ഭ​വം. കാ​റി​നു​ള്ളി​ൽ പ​ട​ക്ക​ത്തി​ന് തീ​കൊ​ടു​ത്ത് പു​റ​ത്തേ​ക്കെ​റി​യു​ന്ന​തി​നി​ടെ​യു​ണ്ടാ​യ അ​പ​ക​ട​ത്തി​ൽ ര​ണ്ട് യു​വാ​ക്ക​ൾ​ക്ക് ഗു​രു​ത​ര​മാ​യി പ​രി​ക്കേ​ൽ​ക്കു​ക​യാ​യി​രു​ന്നു. പൂ​വു​ള്ള​തി​ൽ മു​ഹ​മ്മ​ദ് ഷ​ഹ​റാ​സ് (32), ബ​ന്ധു റ​യീ​സ് (26) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഷ​ഹ​റാ​സി​ന്റെ വ​ല​ത് കൈ​പ്പ​ത്തി ത​ക​ർ​ന്നു. ഇ​യാ​ളെ വി​ദ​ഗ്ധ ചി​കി​ത്സ​ക്കാ​യി കോ​യ​മ്പ​ത്തൂ​രി​ലേ​ക്ക് കൊ​ണ്ടു​പോ​യി.

പെ​രു​ന്നാ​ള്‍ ആ​ഘോ​ഷ​ങ്ങ​ള്‍ക്കി​ടെ ത​ല​ശ്ശേ​രി​യി​ൽ​നി​ന്ന് പ​ട​ക്കം വാ​ങ്ങി നാ​ദാ​പു​ര​ത്തേ​ക്ക് വ​രും​വ​ഴി ആ​യി​രു​ന്നു അ​പ​ക​ടം. കാ​റി​നു​ള്ളി​ൽ വെ​ച്ച് ത​ന്നെ തീ​കൊ​ളു​ത്തി​യ പ​ട​ക്കം പൊ​ട്ടി​ത്തെ​റി​ച്ച​താ​ണ് അ​പ​ക​ട​കാ​ര​ണ​മെ​ന്ന് പൊ​ലീ​സ് പ​റ​യു​ന്ന​ത്. കാ​റും ത​ക​ർ​ന്ന നി​ല​യി​ലാ​ണ്.

മ​റ്റൊ​രു സം​ഭ​വ​ത്തി​ൽ ക​ല്ലാ​ച്ചി​യി​ൽ ന​ടു​റോ​ഡി​ൽ പ​ട​ക്കം പൊ​ട്ടി​ച്ച് ഗ​താ​ഗ​തം ത​ട​സ്സ​പ്പെ​ടു​ത്തി​യു​ള്ള ആ​ഘോ​ഷ​ത്തി​ൽ പൊ​ലീ​സ് കേ​സെ​ടു​ത്തു. ക​സ്തൂ​രി​ക്കു​ള​ത്തും സ​മാ​ന രീ​തി​യി​ൽ റോ​ഡി​ൽ പ​ട​ക്കം പൊ​ട്ടി​ക്ക​ൽ അ​ര​ങ്ങേ​റി. ഇ​വി​ടെ പൊ​ലീ​സെ​ത്തി​യാ​ണ് സ്ഥി​തി​ഗ​തി​ക​ൾ നി​യ​ന്ത്രി​ച്ച​ത്. വാ​ണി​മേ​ൽ ടൗ​ണി​ലും ഗ​താ​ഗ​തം ത​ട​സ്സ​പ്പെ​ടു​ത്തി​യാ​യി​രു​ന്നു യു​വാ​ക്ക​ളു​ടെ പ​ട​ക്കം പൊ​ട്ടി​ക്ക​ൽ. ഇ​തോ​ടെ മ​ണി​ക്കൂ​റു​ക​ളോ​ളം വാ​ഹ​ന​ങ്ങ​ൾ റോ​ഡി​ൽ കു​ടു​ങ്ങി.

വാ​ണി​മേ​ൽ ടൗ​ണി​ലു​ണ്ടാ​യ പ​ട​ക്കം പൊ​ട്ടി​ക്ക​ലി​ൽ ക​ണ്ടാ​ല​റി​യാ​വു​ന്ന അ​മ്പ​തോ​ളം പേ​ർ​ക്കെ​തി​രെ വ​ള​യം പൊ​ലീ​സ് കേ​സെ​ടു​ത്തു.