പയ്യോളി: അബോധാവസ്ഥയിൽ കണ്ടെത്തിയ യുവാവ് ആശുപത്രിയിൽ ചികിത്സക്കിടെ മരിച്ചു. അയനിക്കാട് ചൊറിയൻ ചാലിൽ പരേതനായ പ്രഭാകരന്റെ മകൻ പ്രബീഷ് (42) ആണ് മരിച്ചത്. കഴിഞ്ഞദിവസം അയനിക്കാട് താരാപുരം ബസ്റ്റോപ്പിന് സമീപത്തുള്ള ആളൊഴിഞ്ഞ സ്ഥലത്ത് അബോധാവസ്ഥയിൽ കാണപ്പെടുകയായിരുന്നു. ഇന്ന് രാവിലെ നാലുമണിയോടെ കോഴിക്കോട് മെഡിക്കൽ കോളേജ് ആശുപത്രിയിലായിരുന്നു മരണം. അമ്മ: കനകലത. സഹോദരിമാർ: പ്രബിത ചന്ദ്രൻ (തച്ചൻകുന്ന്), പ്രജിഷ ഷൈജു (തിക്കോടി ). മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകും.