പയ്യോളി : വിദ്യാർത്ഥികൾക്കിടയിൽ വർദ്ധിച്ചുവരുന്ന ലഹരി ഉപയോഗവും അക്രമ മനോഭാവവും അടക്കമുള്ള അധാർമികതകൾക്കെതിരെ ബോധവൽക്കരണവുമായി വിസ്ഡം ഇസ്ലാമിക് സ്റ്റുഡൻസ് ഓർഗനൈസേഷൻ പയ്യോളി മണ്ഡലം കമ്മിറ്റിയുടെ ആഭിമുഖ്യത്തിൽ പയ്യോളിയിൽ ധർമ്മസമര സംഗമം സമാപിച്ചു.
മെയ് 11 ഞായറാഴ്ച പെരിന്തൽമണ്ണയിൽ വെച്ച് നടക്കുന്ന കേരള സ്റ്റുഡൻസ് കോൺഫറൻസിന്റെ ഭാഗമായാണ് ധർമ്മസമരസംഗമം സംഘടിപ്പിച്ചത്. പയ്യോളി ബീച്ച് റോഡിൽ നടന്ന ധർമ്മസമര സംഗമം ജില്ലാ പഞ്ചായത്ത് മെമ്പർ ദുൽഖിഫിൽ വി പി ഉദ്ഘാടനം ചെയ്തു. വിസ്ഡം ഇസ്ലാമിക് ഓർഗനൈസേഷൻ മണ്ഡലം വൈസ് പ്രസിഡണ്ട് അഹ്‌മദ് സി.എം.കെ അധ്യക്ഷത വഹിച്ചു. വിസ്ഡം സംസ്ഥാന വിദ്യാഭ്യാസ ബോർഡ് അംഗം അംജദ് മദനി മുഖ്യപ്രഭാഷണം നിർവഹിച്ചു. വിസ്ഡം സ്റ്റുഡൻസ് കോഴിക്കോട് നോർത്ത് ജില്ല വൈസ് പ്രസിഡൻ്റ് മുഹമ്മദ് സൈഫുല്ലാഹ്, വിസ്ഡം ഇസ്ലാമിക് ഓർഗനൈസേഷൻ പയ്യോളി മണ്ഡലം സെക്രട്ടറി സലാം പോണാരി, ഭാരവാഹികളായ മുസ്തഫ കുന്നുമ്മൽ, അബ്ദുറസാഖ് കുന്നുമ്മൽ, അസ്‌ലം ബസരി എന്നിവർ സംസാരിച്ചു.
