പയ്യോളി : കേരളാ സ്റ്റേറ്റ് സർവീസ്സ് പെൻഷനേഴ്സ് യൂണിയൻ മേലടി ബ്ലോക്കിന്റെ ആഭിമുഖ്യത്തിൽ പയ്യോളി അരങ്ങിൽ ശ്രീധരൻ ഓഡിറ്റോറിയത്തിൽ വയോജന ദിനാചരണം കെ.ശശിധരന്റെ അദ്ധ്യക്ഷതയിൽ മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനo ചെയ്തു.
വിവിധ മേഖലകളിൽ പ്രവർത്തിക്കുന്ന വയോജനങ്ങളായ ഇളവനത്താഴ നാരായണൻ തുറയൂർ, ടി കുഞ്ഞിരാമൻ കീഴരിയൂർ, നാണു കുഞ്ഞാടി തിക്കോടി എന്നിവരെ കെ.ഗോവിന്ദൻ നായർ ആദരിച്ചു. പെൻഷണർമാരല്ലാത്ത കിടപ്പ് രോഗികൾക്ക് നൽകുന്ന പെൻഷൻപദ്ധതി കൈത്താങ്ങ്ജില്ലാ കമ്മറ്റിട്രഷറർ എൻ.കെ ബാലകൃഷ്ണൻ വിതരണം ചെയ്തു. ഡോ. സൂര്യനാരായണൻ എസ് ആർ. ബി എ എം എസ് മുഖ്യ പ്രഭാഷണo നടത്തി. വി പി നാണു മാസ്റ്റർ, ടി കുഞ്ഞിരാമൻ , എ.എം കുഞ്ഞിരാമൻ, ഇബ്രാഹിം തിക്കോടി, ഡി സുരേന്ദ്രൻ എന്നിവർ സംസാരിച്ചു.
