കോഴിക്കോട്: സ്വാതന്ത്ര്യ ദിനത്തോടനുബന്ധിച്ച് മുഖ്യമന്ത്രി പ്രഖ്യാപിച്ച പോലീസ് മെഡൽ പുരസ്കാരത്തിന് പയ്യോളി സ്വദേശി അര്‍ഹനായി. കോഴിക്കോട് നടക്കാവ് പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ പയ്യോളി തുറയൂർ കുന്നുമ്മല്‍ കെ ഹരീഷിനാണ് മുഖ്യമന്ത്രിയുടെ പോലീസ് മെഡൽ ലഭിച്ചത്. സ്തുത്യര്‍ഹ സേവനത്തിനാണ് പുരസ്കാരം.
2005 ല്‍ ജോലിയില്‍ പ്രവേശിച്ച ഇദ്ദേഹം കോഴിക്കോട് സിറ്റി കണ്‍ട്രോള്‍, സിറ്റി ട്രാഫിക്ക്, ജില്ല ക്രൈം ബ്രാഞ്ച് കോഴിക്കോട് സിറ്റി എന്നിവടങ്ങളില്‍ സേവനമനുഷ്ഠിച്ചിട്ടുണ്ട്. പരേതനായ കുഞ്ഞിക്കോരന്‍ – ഇന്ദിര ദമ്പതികളുടെ മകനാണ്. ഭാര്യ :ദീപ, മക്കള്‍: അനാമിത്ര, ആന്‍ലിയ.
