പയ്യോളി: ഹയർ സെക്കൻഡറി നാഷണൽ സർവീസ് സ്കിം പ്രോഗ്രാം ഓഫീസർമാർക്കായി സംഘടിപ്പിക്കുന്ന പ്രിസം സംസ്ഥാന നേതൃത്വ പരിശീലന ക്യാമ്പിന് പയ്യോളി സർഗാലയയിൽ തുടക്കമായി. സംസ്ഥാനത്തിൻ്റെ വിവിധ ഭാഗങ്ങളിൽ നിന്നുള്ള എൻഎസ്എസ് പ്രോഗ്രാം ഓഫീസർമാരാണ് മൂന്നുദിവസം നീണ്ടുനിൽക്കുന്ന പരിശീലന പരിപാടിയിൽ പങ്കെടുക്കുന്നത് നേതൃപരിശീലം സമദർശൻ, ഉജ്ജീവനം, മീഡിയ പ്രവർത്തനം തുടങ്ങിയ വിവിധ മേഖലയിലാണ് പരിശീലന പരിപാടി നടത്തുന്നത്.
പ്രിസം സംസ്ഥാന നേതൃ പരിശീലന ക്യാമ്പ് ആർ ഡി ഡി എം സന്തോഷ് കുമാർ ഉദ്ഘാടനം ചെയ്യുന്നു.
ക്യാമ്പിന്റെ ഉദ്ഘാടനം കോഴിക്കോട് റീജണൽ ഡെപ്യൂട്ടി ഡയറക്ടർ എം സന്തോഷ് കുമാർ നിർവഹിച്ചു മലപ്പുറം വെസ്റ്റ് ജില്ലാ കൺവീനർ പി ടി രാജ്മോഹൻ അധ്യക്ഷത വഹിച്ചു . ക്യാമ്പ് കോർഡിനേറ്റർ എസ് ശ്രീചിത്ത് ക്ലസ്റ്റർ കൺവീനർമാരായ സില്ലി ബി കൃഷ്ണൻ , കെ ഷാജി , എ.വി സുജ വളണ്ടിയർ ലീഡർ ഹിരൺ മയി എന്നിവർ സംസാരിച്ചു.
