കാ​ഞ്ഞ​ങ്ങാ​ട്: ബാ​ങ്ക് അ​ക്കൗ​ണ്ടു​ക​ൾ വാ​ട​ക​ക്കെ​ടു​ത്ത് ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ൾ ജി​ല്ല​യി​ൽ സ​ജീ​വം. ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ൾ യു​വാ​ക്ക​ളി​ൽ​നി​ന്ന് ബാ​ങ്ക് അ​ക്കൗ​ണ്ടു​ക​ൾ വാ​ങ്ങു​ക​യോ വാ​ട​ക​ക്ക് എ​ടു​ക്കു​ക​യോ ചെ​യ്യു​ന്നു​ണ്ടെ​ന്ന ഇ​ന്റ​ലി​ജ​ൻ​സ് വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ കാ​ഞ്ഞ​ങ്ങാ​ട് ഭാ​ഗ​ങ്ങ​ളി​ൽ​നി​ന്ന് പൊ​ലീ​സ് ഏ​താ​നും യു​വാ​ക്ക​ളെ ക​സ്റ്റ​ഡി​യി​ലെ​ടു​ത്തു. ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ളു​മാ​യി ബ​ന്ധ​പ്പെ​ട്ട അ​ക്കൗ​ണ്ടു​ക​ളെ​ല്ലാം പൊ​ലീ​സ് നി​രീ​ക്ഷി​ച്ചു​വ​രു​ന്നു​ണ്ട്.

ജി​ല്ല​യി​ലെ കൗ​മാ​ര​ക്കാ​രാ​യ നി​ര​വ​ധി​പേ​രു​ടെ അ​ക്കൗ​ണ്ടു​ക​ൾ ഓ​ൺ​ലൈ​ൻ ത​ട്ടി​പ്പു​സം​ഘം വാ​ങ്ങി അ​തി​ലൂ​ടെ പ​ണ​മി​ട​പാ​ടു​ക​ൾ ന​ട​ത്തു​ന്ന​താ​യാ​ണ് ക​ണ്ടെ​ത്ത​ൽ. കാ​ഞ്ഞ​ങ്ങാ​ട് കേ​ന്ദ്രീ​ക​രി​ച്ച് ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ൾ വി​ദ്യാ​ർ​ഥി​ക​ളു​ടെ​യും യു​വാ​ക്ക​ളു​ടെ​യും അ​ക്കൗ​ണ്ടു​വ​ഴി കോ​ടി​ക​ളു​ടെ ഇ​ട​പാ​ട് ന​ട​ത്തി പ​ണം പി​ൻ​വ​ലി​ച്ചി​ട്ടു​ണ്ടെ​ന്നാ​ണ് വി​വ​രം.

കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ളാ​ണ് ജി​ല്ല​യി​ലെ യു​വാ​ക്ക​ളു​ടെ ബാ​ങ്ക് അ​കൗ​ണ്ടു​ക​ൾ വാ​ട​ക​ക്കെ​ടു​ത്ത് പ​ണം പി​ൻ​വ​ലി​ച്ച​ത്. ക​ഴി​ഞ്ഞ​ദി​വ​സം കാ​ഞ്ഞ​ങ്ങാ​ട്ടെ​ത്തി​യ ത​മി​ഴ്നാ​ട് പ്ര​ത്യേ​ക പൊ​ലീ​സ് അ​ന്വേ​ഷ​ണ​സം​ഘം ഇ​ത്ത​ര​ത്തി​ൽ അ​ക്കൗ​ണ്ടു​വ​ഴി ഓ​ൺ​ലൈ​ൻ ത​ട്ടി​പ്പു​സം​ഘ​ങ്ങ​ൾ​ക്ക് പ​ണം കൈ​മാ​റി ന​ൽ​കി​യ തീ​ര​ദേ​ശ​ത്തെ യു​വാ​വി​നെ ക​സ്റ്റ​ഡി​യി​ലെ​ടു​ത്തു.

കാ​ഞ്ഞ​ങ്ങാ​ട് സ്വ​ദേ​ശി​യാ​യ മ​റ്റൊ​രു യു​വാ​വി​നെ മ​ല​പ്പു​റം പൊ​ലീ​സും ക​ഴി​ഞ്ഞ​ദി​വ​സം കാ​ഞ്ഞ​ങ്ങാ​ടു​നി​ന്നും ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. കൂ​ളി​യ​ങ്കാ​ൽ സ്വ​ദേ​ശി​യാ​യ യു​വാ​വി​നെ ര​ണ്ടാ​ഴ്ച മു​മ്പ് പൊ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. കാ​ഞ്ഞ​ങ്ങാ​ട് ന​ഗ​ര​സ​ഭ, അ​ജാ​നൂ​ർ, പ​ള്ളി​ക്ക​ര പ​ഞ്ചാ​യ​ത്തു​ക​ളി​ലെ യു​വാ​ക്ക​ളു​ടെ അ​ക്കൗ​ണ്ടു​വ​ഴി​യും സം​ഘം പ​ണം പി​ൻ​വ​ലി​ച്ച​താ​യാ​ണ് വി​വ​രം. ഇ​വ​രു​ടെ അ​ക്കൗ​ണ്ടു​ക​ൾ നി​രീ​ക്ഷ​ണ​ത്തി​ലാ​ണ്.

പു​തി​യ അ​ക്കൗ​ണ്ടു​ക​ൾ എ​ടു​പ്പി​ക്കു​ക​യോ നി​ല​വി​ലു​ള്ള അ​ക്കൗ​ണ്ടു​ക​ളു​ടെ പ്ര​വ​ർ​ത്ത​നം ഏ​റ്റെ​ടു​ക്കു​ക​യോ ചെ​യ്യു​ക​യാ​ണ് ഇ​വ​രു​ടെ രീ​തി. പു​തി​യ അ​ക്കൗ​ണ്ട് എ​ടു​ക്കു​ക​യാ​ണെ​ങ്കി​ൽ ന​ൽ​കു​ന്ന ഫോ​ൺ ന​മ്പ​ർ ഇ​വ​രു​ടെ നി​യ​ന്ത്ര​ണ​ത്തി​ലു​ള്ള​താ​വും. നി​ല​വി​ലു​ള്ള അ​ക്കൗ​ണ്ടു​ക​ളാ​ണെ​ങ്കി​ൽ ലി​ങ്ക് ചെ​യ്തി​രി​ക്കു​ന്ന ഫോ​ൺ ന​മ്പ​റു​ക​ൾ ബാ​ങ്കി​ൽ അ​പേ​ക്ഷ ന​ൽ​കി മാ​റ്റും. എ​റ​ണാ​കു​ളം കേ​ന്ദ്രീ​ക​രി​ച്ചും സം​ഘ​ത്തി​ന്റെ പ്ര​വ​ർ​ത്ത​നം ന​ട​ക്കു​ന്നു​ണ്ട്.

വാ​ട​ക​ക്ക് എ​ടു​ക്കു​ന്ന അ​ക്കൗ​ണ്ടു​ക​ളി​ൽ ഉ​ട​മ​ക​ൾ​ക്ക് അ​ക്കൗ​ണ്ടി​ൽ വ​രു​ന്ന പ​ണ​ത്തി​ന്റെ ഒ​രു ശ​ത​മാ​നം ന​ൽ​കാ​മെ​ന്നാ​ണ് വാ​ഗ്ദാ​നം. ഇ​ട​ക്കി​ട​ക്ക് യ​ഥാ​ർ​ഥ അ​ക്കൗ​ണ്ട് ഉ​ട​മ​ക്ക് ഇ​വ​ർ കു​റ​ച്ച് പ​ണം ന​ൽ​കും.

കെ​ണി​യ​റി​യാ​തെ തു​ച്ഛ​മാ​യ തു​ക വാ​ങ്ങി അ​ക്കൗ​ണ്ട് വി​റ്റ​വ​ർ ഇ​പ്പോ​ൾ കെ​ണി​യി​ലാ​യ​ത്. ചെ​റി​യ പ​ണ​ത്തി​നു വേ​ണ്ടി സ്വ​ന്തം അ​ക്കൗ​ണ്ടു​വ​ഴി പ​ണം പി​ൻ​വ​ലി​ച്ചു​ന​ൽ​കി​യ​വ​രാ​ണ് പെ​ട്ടി​രി​ക്കു​ന്ന​ത്. ചെ​റു​പ്പ​ക്കാ​ർ ത​ട്ടി​പ്പി​ന്റെ ഗൗ​ര​വം അ​റി​യാ​തെ​യാ​യി​രു​ന്നു പ​ണം എ​ടു​ത്തു​ന​ൽ​കി​യ​ത്. പ​ല​രും 20 ല​ക്ഷം രൂ​പ വ​രെ സം​ഘ​ങ്ങ​ൾ​ക്ക് പി​ൻ​വ​ലി​ച്ചു​ന​ൽ​കി​യി​ട്ടു​ണ്ട്.

അ​ക്കൗ​ണ്ട് വി​റ്റ​വ​രി​ൽ പ​ല​രും പൊ​ലീ​സ് ക​സ്റ്റ​ഡി​യി​ലാ​ണ്. എ​ന്നാ​ൽ, അ​ക്കൗ​ണ്ട് വാ​ങ്ങി​യ​വ​രെ ഒ​രാ​ളെ പോ​ലും ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. പ​ണ​ത്തി​ന്റെ ആ​വ​ശ്യ​ത്തി​നാ​യാണ് സു​ഹൃ​ത്തി​ന് അ​ക്കൗ​ണ്ട് എ​ടു​ത്തു​ന​ൽ​കി​യെ​തെന്ന് പി​ടി​യി​ലാ​കു​ന്ന​വർ പറയുന്നു. പ​ല സു​ഹൃ​ത്തി​നെ​യും ഇ​വ​ർ നേ​രി​ൽ ക​ണ്ടി​ട്ടു​പോ​ലു​മി​ല്ല.

ഇ​ൻ​സ്റ്റ​യി​ലൂ​ടെ​യോ ടെ​ലി​ഗ്രാ​മി​ലൂ​ടെ​യോ പ​രി​ച​യ​പ്പെ​ട്ട​വ​രാ​ണ് സു​ഹൃ​ത്തു​ക്ക​ൾ. ഇ​ത​ര​സം​സ്ഥാ​ന​ത്തെ​യും വി​വി​ധ ജി​ല്ല​ക​ളി​ൽ​നി​ന്നു​മു​ള്ള പൊ​ലീ​സ് സം​ഘം ജി​ല്ല കേ​ന്ദ്രീ​ക​രി​ച്ച് അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്.