വടകര: സ്കൂട്ടർ മോഷ്ടാവ് പോലീസ് പിടിയിൽ . മാഹി റെയിൽവേ സ്റ്റേഷന്ന് സമീപം നിർത്തിയിട്ടിരുന്ന സ്കൂട്ടർ മോഷ്ടിച്ച നിരവധി കേസിൽ പ്രതിയായ എടക്കാട് മാവിളിച്ചിക്കണ്ടി എസ്. എസ്. സൂര്യൻ (24)നെയാണ് ചോമ്പാല പോലീസ് അറസ്റ്റ് ചെയ്തത്. ന്യൂ മാഹി സ്വദേശിയായ യുവാവ് കഴിഞ്ഞ ഡിസംബർ 6 ന് മാഹി റെയിൽവേ സ്റ്റേഷൻ പരിസരത്ത് നിർത്തിയിട്ട സ്കൂട്ടറാണ് മോഷ്ടിച്ചത്.
പ്രതി സൂര്യൻ
സ്കൂട്ടർ ഉടമ ചോമ്പാല പോലീസിൽ പരാതി നൽകുകയും, എസ് ഐ മനീഷ് വി.കെ യുടെ സംഘം അന്വേഷണം നടത്തി വരികയായിരുന്നു. ഇതിനിടയിൽ കൊയിലാണ്ടിയിൽ കളവ് ചെയ്ത ബാറ്ററിയുമായി ഇതേ സ്കൂട്ടറിൽ പോകവെ കൊയിലാണ്ടി പോലീസ് പിടികൂടി കോടതിയിൽ ഹാജരാക്കിയിരുന്നു. കോടതിയിൽ നിന്നും ജാമ്യം നേടിയ പ്രതി ചോമ്പാല പോലീസ് അന്വേഷിക്കുന്നതറിഞ്ഞ് പാലക്കാട്ടേക്ക് ഒളിവിൽ പോയി . പാലക്കാട് നിന്നും തിരിച്ചു വരുന്നതറിഞ്ഞ ചോമ്പാല പോലീസ് എസ് ഐ മനീഷ് വി.കെ യുടെ നേതൃത്വത്തിലുള്ള സംഘം പ്രതിയെ കൊയിലാണ്ടിയിൽ പിടികൂടി കോടതിയിൽ ഹാജരാക്കി. കോടതിയിൽ ഹാജരാക്കിയ പ്രതിയെ വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഷീജ എ എം 14 ദിവസത്തേക്ക് റിമാണ്ട് ചെയ്തു . എസ് സി.പി ഒ മാരായ അഭിജിത്ത് വി.കെ, അനന്തൻ ടി.കെ എന്നിവർ പോലീസ് സംഘത്തിലുണ്ടായിരുന്നു .
